على نفس الجروح اللي تتالة من ثلاث شهور = تجدد في خفوقي جرح لايشفا ولاينطاب
وعرفت ان السبب غلطه تحملني الجروح دهور = كبيره والخطا منه اذا جاني بدون اسباب
على قولت (ابوخالد) كبيره دمعت المقهور = وانا عقبه من الفرقا يبلل دمعي الاهداب
ودمعي لو سكب مني على الوجنه بعد معذور = وبعد معذور لو ردد صدى صوتي شقا وعتاب
عذابي والجروح وسبة الفرقا وظلم الجور = تعيشني متاهات الطريق المتعب الغــلاب
وظلم الوقت ماقصر ولاخلى علي اقصور = يجدد جرحي المبطي الى منه تلاشا وطاب
وهذي حالت الدنيا على مر السنين اتدور= على نفس المكان انروح ونرجعله ندق الباب
ندور بعالم(ن) مجهول ولا نسمع ابد لشور = متاهات الزمن صعبه وحنا في سماها اغراب
مثل دورة رحا يقتل وحنا في رحاه اندور = انا وضعي كذا وياك لاصادق ولا كذاب
على العيشه تعودنا نكابر ف الزعل بغرور = اجامل صدك ابضحكه وتفتح لي كثير ابواب
وانا في داخلي ضيقه واعوض ضيقتي بسرور = ابين وضعي الصامد وانا من داخلي منصاب
وانا لوجيت للواقع في حبك ماني بمجبور = ولاكن مدري شسوي بقلب(ن) في غيابك ذاب
وتحمل جرحك القاتل من الفرقا ثلاث شهور = واقول الله يعين القلب من بعدك الى من غاب
الى من صارفي بعده على خطوا الزمان اعثور = جمع في عثرته جرحه مع دمعه وبعد احباب
وانا اللي قد جرحتيني وصرتي لجرحي الدكتور = ورجعتي تنقضين الجرح بعد طيبته بغياب
تفننتي بعذابي حيل وزدتيني الهجر بدبور = كفاني ماجرالي منك تعذبني بدون اسباب
كشفتي وجهك الثاني وبان الخافي المستور = وعرفت انا الهوى لعبه وعاشق هالزمن لعاب
عبدالله ابن عصيدان
04-01-2006, 01:20 AM
العرض الشجري