بنتك إلا منّه عوى الذيب ( ذيبــــه ).... مصافحه اولى

[مطنوخه]

المشاركة الأصلية كتبت بواسطة أشهب الـلال

أبسألك وش به غزا وجهك الشّيـب=والقلب لايـع والنواظـر شحيبـه

ياسلام ....


صح ألسانك

يا أختنا الشاعره

مطنوخه

ويعطيك ألف عافيه ، وماشاء الله بدايه مُشرفه ما دامت في أبيك

تقبلي تحياتي

أخيك

الأخ الخــــــــــــــــــــــلوق / اشهب اللال


أتشــــــــــرف بأنك أول من صـــــــــــافح أبياتي

لأنـــــــــك بكل ماتملكـــــــــــه من تواضع وأخــــــــــلاق


حملتهــــــــــــــــا الى أفــــــــق الجمال .............


اختك



مطنوخه

[نشميه القصيميه]

مطنوخـــــــــــــــــــــــــه




وربي غير...





لي عوده يالغاليه.




إختك




نشميه

[برق الوسم]

مطنوخه
فعلا مطنوخه على اسمك
وكفو وكفو فيك وفي ابيك
والله من قريت العنوان
حسيت ان فيه شي ثمين
ويستحق القراه والاشاده والرد
والله يخليلك ابوك ويخليك
له وانتي باره بوالدك
اتمنى لك التوفيق 0وتسلمين
على هاالقصيده المعبره والرائعه
بماتحمله هذه الكلمه من معنى
ولك كل الو د وسجلي اعجابي
اخوك برق الوسم

[رفيـــع الشــان]

السلام عليكم ورحمة الله وبركاته
مطنوخه صح السااااانك , قصيدة جزله ووافيه ,
جعل يسلم راسك وراس ابوك على ذا القصيده , كفو والله يا الذيبه , وليت والله كل بنات هالوقت مثل , لا هنتي ومشكوره على ابياتك الرائعه التي سعدت بقرائتها .

[الينع]

المشاركة الأصلية كتبت بواسطة مطنوخه

بسم الله الرحمن لرحيم


وضعت هذه القصيده الأقرب لقلبي مصافحه اولى بين نواظركم



هذه القصيده إهداء لمن أضع هامتي تحت ( قدميه )


إهداء الى ..............أبي ................!!!















يابوي جعلك للبقا والمكاســــيب=عمري بدونك يالذَّرا ويش أبي به


يابوي تسأل عن شفاك المراقيب=طلعه سواتك للنـــــوايف غريبـــه


ليه المرض مايعرف الزين والعيب=مايــدري أنّك للمخـــاليق هيبـــه


أبسألك وش به غزا وجهك الشّيب=والقلب لايـــع والنواظر شحـــيبه


وشبك تحاتي لانوى الموت تغريب=تخشى عليّــــه باللّيالي الكئيبـــه


خذ دلـــّتـك واركى على مسند الجيب=وعطني شماغك بلثـــمه واحتمي به


ونروّح لأرضٍ بها العشـــــب والطيب=وتسمع كلامٍ يالغلا تحتفــــي بـــــه


يابوي بنـــتك لاانحكى بالتّجاريــب=كلن يشــــق لهيـــبه الصّيت جيـــبه


يابــوي ماني من سواة المخاريـــب=اللّي تجــــيب لعـــليه القـــوم خيبـــه


وماني من اللّي لامشت حفّـــها الرّيب=أنـــــا من اللّــــي مايدنّـــس حلــــيبه


مرفـــــوع شاني عن غـرام المكاتيب=وأكبر من إنّي أرتضي بالحبيـــــبه


أنــا غرامــــي لاابتدوا بالتّراحــيب=نفــــوس الأوادم من وجودي رحـــيبه


وإن كان زينـــــي فتنة ٍ للمصاويب=لأحط وجهي بالحريــــق ولهيــــبه


زيني أبيعه وأشتري سمعه الطّيب=إسم ٍ ينومــس بالصّروح الذّهيبــــه


وإن كان عندي بالحلا شي ٍ إصعيب=عندي جــــدودٍ مارضت بالغليبـــــه


دموع القبايل في لقانا مســـاكيب=كن المقـــــابر لاحضــــرنا قريـــبه


خضّبت لك كـــفي من العز تخضيب=ورفعت راسي للنجوم الصــّــــعيبه


طلع المعالي ماانحكم للشواريـــب=بنتٍ وأناطح فـــارس القوم طيبـــــه


والله لأســــدّك بالفعول المصــاليب=والله لأعينــــك بالرّخا والمصيــــبه


وياشيخي إبشر لوتدور الدواليـــب=بنتك إلا منّه عوى الذيب ( ذيبــــه )



وسامحوني عالقصور

صح لسانك ويرحم والديك.الينع

[بــ راكان ــنت]

السلام عليكم

الله الله
صح لسانك يالذيبه على القصيده الاكثر من رائعه
وكل بيت فيها يقول الزود عندي

لاهنتتتتتـِ

والله يحفظ لك والديك..

[شاعرها]

مشالله



الشاعره المحترمه والمتألقه .. صح لسانش والله يطول بعمر ابيش وعزالله قصيده وافيه



بس عندي سؤال البيتين اللى بالتوقيع لـش ؟؟


اذا كانت لش ترى فيها كـسـر بالشطر الثاني من البيت الثاني



وش ينفعك الاحساس لاراح مغليـك



وش ينفع الاحساس لا راح مغليك


كذا افضل




وصح لسانش يالسنافيه

[طفلته]

مطنوخه


يعطيك العافيه على النقل الرائع =)


وصح لسان من قاالها

[بندر]

مطنوخه

صح لسانش

قصيده وافيه من وافيه

وتدل على حسن تربيتش

المشاركة الأصلية كتبت بواسطة شاعرها

مشالله



الشاعره المحترمه والمتألقه .. صح لسانش والله يطول بعمر ابيش وعزالله قصيده وافيه



بس عندي سؤال البيتين اللى بالتوقيع لـش ؟؟


اذا كانت لش ترى فيها كـسـر بالشطر الثاني من البيت الثاني



وش ينفعك الاحساس لاراح مغليـك



وش ينفع الاحساس لا راح مغليك


كذا افضل




وصح لسانش يالسنافيه

الاخ شاعرها

الشطر مافيه شي بس انت يمكنك نطقته غلط

[شاعرها]

هلا ومرحبا بالشاعر القدير والمحترم بـنـدر


والله مو يمكن نطقته غلط بس الضاهر انا ماشبكته مع بعض وقلته بمده طويله وصار عندي اهتزاز بالوزن شدعوه الكره الاارضيه على كلمة اهتزاز هههههههههههههه