البارحة يوم الخلا يق نياما=بيحت من كثر البكا كل محزوووون!

[النقال]

السلام عليكم هذي قصيدة الشاعر نمر بن عدوان وهي مرثيته في زوجته وضحا أم عقاب الذي قتلها بالغلط عندما رأها عند فرسه.
لاأريد الأطاله وأترككم مع القصيدة المشهورة والرائعة

البارحة يوم الخلايق iiنياما=
بيحت من كثر البكا كل مكنون
قمت اتوجد وانثر الماء على iiما=
من موق عين دمعها كان iiمخزون
ولي ونة من سمعها مايناما=
كني صويب بين الأضلاع مطعون
وإلا كما ونة كسير السلاما=
خلوه ربعه للمعادين iiمديون
في ساعة قل الرجا والمحاما=
في ما يطالع يومهم عنه يقفون
وإلا كما ونة راعبية iiحماما=
غاد ذكرها والقوانيص iiيرمون
تسمع لها بين الجرايد حطاما=
من نوحها تدعي المواليف iiيبكون
وإلا خلوج سايبه iiللهياما=
على حوار ضايع في ضحى الكون
وإلا حوار نشقوله iiشماما=
وهي تطالع يوم جروه iiبعيون
يردون مثله والظوامي iiسياما=
ترزموا معها وقاموا يحنون
وإلا رضيع جرعوه الفطاما=
توفت امه قبل اربعينه يتمون
عليك يا شارب لكاس الحماما=
صرف بتقدير من الله مأذون
جاه القضاء من بعد شهر الصياما=
صافي الجبين بثاني العيد iiمدفون
كسوه من بيض الخرق ثوب خاما=
وقاموا عليه من الترايب iiيهلون
راحوا بها حروة صلاة iiالاماما=
عند الدفن قاموا لها الله يدعون
برضاه والجنه وحسن iiالختاما=
ودموع عيني فوق خدي iiيهلون
حطوه في قبر غطاه iiالهداما=
في مهمة من عرب الامات مسكون
يا حفرة يسقي ثراك iiالغماما=
مزن من الرحمة عليها يصبون
جعل البختري والنفل والخزاما=
ينبت على قبر به العذب مدفون
مرحوم يالي ما مشي iiبالملاما=
جيران بيته راح ما منه iiيشكون
يا وسع عذري وأن هجرت iiالمناما=
ورافقت من عقب العقل كل مجنون
أخذت أنا وياه سبعة iiاعواما=
مع مثلهن في كيف مالها لون
والله كنة يا عرب صرف iiعاما=
يا عونة الله صرف الأيام وشلون
وأكبر اهمومي من بزور يتاما=
وإن شفتهم قدام وجهي يصيحون
وأن قلت لا تبكون قالوا iiعلاما=
نبكي ويبكي مثلنا كل محزون
لاقلت وش تبكون ؟ قالو iiيتاما=
قلت اليتيم اياي وانتم تسجون
قمت اتشكا عند ربع اعدامــا=
وجوني على فرقا خليلي يعزون
قالوا تزوج وانس لامه بلاما=
ترى العذارى عن بعضهم يسلون
قلت إنها لي وفقت بالولاما=
ولو جمعتم نصفهن ما iiيسدون
ما ظنتي تلقون مثله iiحراما=
ايضا ولا فيهن على السر iiمامون
وأخاف أنا من غاديات الذماما=
اللي على ضيم الدهر ما iiيتاقون
أو خبلة ما عقلها بالتماما=
تضحك وهي تلذغ على الكبد iiبالهون
توذي عيالي بالنهر iiوالكلاما=
وانا تجرعني من المــــر بصحون
والله لولا هالصغار اليتاما=
وخايف عليهم من الدجه يضيعون
لقول كل البيض عقبة حراما=
واصبر كما يصبر على الحبس مسجون
عليه مني كل يوم iiسلاما=
عدة حجيج البيت واللي يطوفون
وصلوا على سيد جميع iiالاناما=
على النبي يللى حضرتوا تصلون

وســــــــــــــــلامتكم