يمـر القـلب مـن دار ورا الخفجي طـريق ودرب = وامرك يالطريق اللي لك اقدامي مسخرها
واذا مريت مع ذاك الطريق الي يجي من غرب = ذكرت احلى ليالينا من اولها إلى اخرها
ومـريت الحشـا بالـونة اللي ماجـذبها طـرب = ومـريت العيـون بعبـرة للــدرب ذاخــرها
وشفتك في خيالي بين طيات الدفا والقرب = وناديتـك: فـديتـك خـل ايدينك لاتـوخرها
عفا الله عن ظمان حصل الما في الطريق وشرب = وعفى الله عن ليالي ماجلهنا في أواخرها
عقلنا والتطم حبل المواصل يالعفيف الذرب = كما موج لطم في غبـة واغـرق بواخـرها
وسقت الرجل صوبك يا حبيبي والليالي جرب = ولا اهتميت في ناس تبي ترفع مناخرها
حبيبك يا حبيبي من سلالة هل دروع وحرب = ولايعشق من اصناف الجواهر كود فاخرها
تــفاخر يابعد من حـط له بين الحنــايا درب =تفاخر وافتخر واغلى القصايد فيك اسخرها
واذا مريت مع ذاك الطريق اللي يجي من غرب= تذكر لذة الدنيا من أولها إلى اخرها
ضيدان بن قضعان
23-04-2006, 09:31 AM
العرض الشجري