((ذكرك ينومس في العيينه وكنزان = يبقى مع آل سعود وآل الصباحي))

[فلاح ال مخلص]

السلام عليكم ورحمة الله وبركاته

هذي القصيده قلتها ترحيب بالامير

راكان بن خالد بن سحمان آل حثلين
وهو رجال يستاهل اكثر من كذا لمواقفه الطيبه مع جميع القبايل القاصي والداني

بدعت طاروقي وجريت الالحان = وحصنت قافي من جميع النواحي
وغصت البحور وجبت لولو ومرجان = شوارد يفطن لها كل صاحي
عقد نظمته يذهل الانس والجان = تعبت فيه وقلت هذا الوشاحي
وعطرت عنواني بفل وريحان = العود الازرق واشقر البن فاحي
قافي وطاروقي على طول الازمان = رعاد نوه دونه البرق لاحي
ابغى لما سمعوه ذربين الايمان = اهل المغازي محتمين اللقاحي
قوم مدحهم باول الوقت راكان = يوم العزاوي والنعت والصحياحي
(مخيلة تاتيك من صوب نجران= بارودها سم لكبدك ذحاحي )
هواشم لما رقص كل شيطان = يااما هجاد القوم والا الصباحي
ابغى لما سمعوه ثم قالو فلان =تنومسو بسمي طيور الفلاحي
لا ني بمثلهم ولي قلب ولسان = والعز ماهازه كسير الجناحي
يامرحبا ترحيبة نورها بان = ترحيبة مازعزعتها الرياحي
يامرحبا ياذخرنا طير حوران = ياذخر يام في الليالي الشحاحي
من روس يام مرجحة كل ميزان= قوم قبل عصر الرسول وصلاحي
قوم ترج العرش عجمان عجمان = يوم يضيعن القلوب الصحاحي
حرابهم يصبر على راس شامان = عج الرمك يتلاه زرق الرماحي
يامرحبا ياشيخهم يابن سحمان = يانادر ما تارد الا قراحي
يامزبن المجرم سلايل كحيلان = سلاحنا لما بغينا السلاحي
شيدت ذكرك بالعقيده والايمان = ودرب النقى والطايله والصلاحي
تقبل عليك العالم اشكال والوان = كريم ما حسبت ما جاء وراحي
للعز متمركز وللطيب عنوان = وان قمت كم شيخ من اعداك طاحي
ذكرك ينومس في العيينه وكنزان = يبقى مع آل سعود وآل الصباحي
المدح فيكم عز ولساني حصان = وان كان قصرنا فنرجو السماحي
وختامها صلو على نسل عدنان = رسول الامه . ياوجيه الفلاحي