تحسب غلا نفسي تجيبه بقـــــــــوه

[حمد المخيال]

مساكم الله بالخير
{ الـــــــــحيا غـــــــــــــاب }

بكل وقاحه تطلب انرد احباب=نسيت فعلك ياقليل المروه
نسيت ماسويت قدام الاجناب=تحسب غلا نفسي تجيبه بقوه
وينك هذاك اليوم يوم الحيا غاب=عن وجهك الكالح وبينت نوه
بعت الموده والغلا بحفنة تراب=والحين نرجع توه الوقت توه
خلك مع ناس(ن) تسميهم اصحاب=شرواك لامبدء ولا طيب خوه
وقت الرخا مامنهم واحد(ن) غاب=ظاهرهم احبابك وعدوان جوه
قلبي نهيته وانتهى عنك وتاب=واللي بعد تقدر تسويه سوه
منتب كفو حتى لشرهات وعتاب= مثلك يموت ومايشوفون ضوه
وسلامتكم