تذكر ذعاذيع الهوا يوم كان صغير=يوم ان أكبر احلامه سديري وطاقيه
ضيدان..شاعرنا الكبير ، يتذكر بحب ، ويبوح بحزن شديد ، يسرد حكاية اجمل المراحل ، في قصيدة رائعه ، تستوطنها الشفافية ، ويسورها الجمال من كل جهاتها ، قصيدة تحمل بصمته الضيدانية التي اشتهر بها .. وأحبها جمهوره .
كفى يا الأمير أرجوك ويكفي كفا يا أمير=ترى الخال مايسمع نصيحة بناخيَه
وترى يا طويل العمر ما عادني بصغير=كبرت ودريت بما عليَه..وماليَه
وترى يا طويل العمر ما ينفع التفكير=على واحد ٍ ماله عن اللي يبي نيَه
أقوله وأنا يامير ما عادني ببخير=على بنت ٍ شيخ في عبايه ملوكيه
طموح ٍ على شاني وأنا شايم ٍ عن غير=هواها..ولا فكرت في ذي ولا ذيَه
وإلى هب نسناس الهوى للحزين عصير=وربط غترته من تحت حلقه بأياديَه
ويم بوجهه للهوا وقم حومة الطير=وتنهد..وون..وحط ايديه بمخابيَه
تذكر ذعاذيع الهوا يوم كان صغير=يوم ان أكبر احلامه سديري وطاقيه
وقفَا وهو بين واقف وبين يسير=ووقف..من جديد وحط ايدينه فأذانَيه
ضيدان بن قضعان
10-06-2006, 04:24 AM
العرض الشجري