شيخ المراجل...يعتذر عن الغياب ويقدم لكم الجديد.

[شيخ المراجل]

إخواني وأخواتي في منتدى قبيلة العجمان اسعد الله صباحكم وأقدم لكم هذي القصيدة والتي أتمنى أن تحوز على إعجابكم .
وطبعا قبل مانسى (كل عام وانتوا بخير) ولو إنها متأخرة لكن الغايب عذره معه.


الـهجر طـول وبـرق الـوصل مانـاضي @@@ والقلب يبست من الـفرقا عراويه.

ولا سـار ياناس مال أهل الهوى قاضي @@@ يـعطيني الحق ويجازي هل السيه.

قـولـوا لمن حـد خفاقي على الـفاضـي @@@ ما هـوب حق الوفا صد ومحقريه.

وقولوا له إني على عهد الـوفى ماضي @@@ لـو يدبل الـكيه اللـي في الـحشا كيّه.

وقولوا له إني رضيت إن كان هو راضي @@@ يـتركني لـعين مـن يخلف هـقاويه.

وقولوا له إني طريح فراش وأمراضي @@@ فـرقاه..وأشواقي لـوصله..وطـاريـّه.

أعرضت عنّه وأنا ماقوى على إعراضي @@@ ودي أشوف الـغلا في عـين راعيّـه.

وأثره مع الحاضر وعينه على الماضي @@@ فديت كـبده لـو إن مـاله مـعذريـه.

وإن كانه إعتاظ فيني فيه ماعتاضي @@@ والـروح فـدوه لـعينـه نعنـبـوا حيـه.

مايدري إن المحبه شوقها لاضي @@@ مسـه علـى الـكبد مس الـجمره الـحيّـه.

والحين ياناس قولوا هو القاضي @@@ وأنـا أبـغـي الـحق في سلـم الـهواويـه.

إما يشطب على الباقي من أغراضي @@@ ولـلا يـوفي حـقـوق مصفي الـنيّـه.

أسرجت له هاجسي والفارس ألفاضي @@@ وعشـانه الـقـاف جـزلاتـٍ معـانيه.

وأنا أدري إن الحسايف مالها حاضي @@@ على الذي يجـزي الـحسنـات بالسـيّه.