الغنـــــــاديــــــر ؟

[راعي الدهما]

هذي القصيـــدة أعجبتني فحبيــــت أنقلها لكم عسى أن تحوز على رضاكم
وهي للشاعر / فيـــــصل العاصمـــي

فز قلبي من ضلوعه و امتحنّي=و ارسل الونات ونه عقب ونه
جاوب الونات دمعي و افضحنّي=شف عيوني بالمدامع جاوبنه
ضاق صدري من همومٍ غربلنّي=قلت افجر ذا الهموم المستكنه
طال ليلي من عيونٍ سهرنّي=مخطي اللي قال قرب الخل جنه
اتوجد و العذارا عذبنّي=يا رداهن كيف ما فيهن محنه
العذارا لو يجنك يحلفنّي=لا تصدق كل حلفٍ يحلفنه
و العذارا مجرماتٍ يسرقنّي=كل قلبٍ لو تركهن ما اتركنه
كاذباتٍ خادعاتٍ يخدعني=و الليونه سم دابٍ يهفثنه
لو يقولن ثم يقولن يكذبني=و الممثل من قصصهن جاب فنه
اسمعوني و انقلوا ذا العلم عني=قولوا فيصل ما غوا في كشف ظنه
في دلعهن و النعومه يطربني=و النوايا قتل خبلٍ يطربنه
يا العجايب من ضعوفن يغلبني=يا غبوني لو قليبي يشعفنه
ما خبرنا شاعرٍ فيهن يغني=كود يذكر من شقاهن وش عطنه
و العواطف و المشاعر يشتكني=و القصيده من غثاهن مستجنه
كم قتيلٍ في هواهن يقتلني=قيس ليلى ذاك شيخٍ صوبنه
و كم حكيمٍ راح عقله و استجني=و كم زعيمٍ في هواهن يغلبنه
و كم صويبٍ من جداهن لو يوني=ما شحنهن طول ليله لو يونه
و كم امامٍ له مقام ثم سني=حايلينٍ دون دينه و اخلفنه
و كم فقيرٍ فوق فقره يقهرني=و كم غنيٍ عقب خيره يفقرنه
و كم صبيٍ فالحٍ في كل فني=جنبوا به في الغوايه و احرفنه
و ان تمالوا في عشيقٍ يعشقني=عزتي لو طاح سوقه ما شرنه
و الشطانه لو تزيد بكل جني=اشهد انه يا الرفاقه درسنه
ذا بليسٍ لو بغا يومٍ يشني=غارةٍ شفت العذارا مرسلنه
و العذارا ساحراتٍ يسحرني=كل كاهن في الكهانه علمنه
قلتها فاول بيوتي ثم اثني=العذارا كل طيبٍ يجحدنه

تقبلو تحياتـــي وتقديــــري


أخيــــــكم



راعي الدهمـــــــا