المحبه نار مـن طـاح فيهـا تشتويـه

[عبرة وداع]

السلام عليكم ورحمة الله وبركاته

هذه معزوفه رائعه جدا

للشاعر \ رحيم الغنامي

اتمنى ان ترقى لمستوى ذائقتكم



الحبيب اللي نكبني وانا استذنبـت فيـه
ماربحنا واسال الله الـي والـه النجـاه

طاح في حبي وانا طحت كلي فـي يديـه
المطيح اللـي يشـاف و يشّـد الانتبـاه

فيه زين استغفر الله منه واتـوب اليـه
يفقد العاقل صوابـه ويخلـف مستـواه

اشهد انه كامل اوصاف ولا لـه شبيـه
مار عاقبنـي بظنّـه و سوّابـي سـواه

يحسبني عنه لا ابطيت مالي نفس اجيـه
مادرى اني لاجل عينه عكسـت الاتجـاه

يحتريني فوق رجـم المحبّـه واحتريـه
اسبقه في امرار و امرار يسبقني عـلاه

لين وكّد حبّه اللي مثل صـرف الجنيـه
وقام يزعل ويتغلى عليّـه مـن غـلاه

الغلا خلاه يفعـل معـي مـا يشتهيـه
يفتح الموضوع و يسكّره علـى هـواه

ازعله وارضيه وازعل منه وارضى عليه
وفي دقيقه قبل يطلب رضاي اطلب رضاه

ليه اكابر معه وانا اعرف انه حق ليـه؟
مايباه و ما يريده علـى خشمـي هـذاه

يعرف اني مقدر اجفاه و رضاه اشتريـه
واعرف انه من وجودي معه ماله غناه

مستعد ارضيه و اعطيه كل اللـي يبيـه
بس ما يزعل عليّ و يجيـب اللـي وراه

المحبه نار مـن طـاح فيهـا تشتويـه
ولو زلقت وطحت في النار ماشفت الحياه