شاعرنا الكبير والقدير وشاعر المليون بكل فخر وعتزاز
محمد ابن راشد ابن الذيب العجمي
واخر قصيده
تكفين ياالساحه ابي مسلسل غليس= حتى تعلم منه مشاهد ينه
اذا الوطن لمواطنينه كوابيس= بيحس بالغربه من مواطنينه
تعبت وانا اعيش خلف الكواليس= ويسند بدوري لاتفه ممثلينه
امتر الشاعر واكيل الدواعيس=واسال زماني كم بقى من سنينه
ياتل قلبي تله الهجن فالريس=والاالبعير اللي حنينه حنينه
اوتل قرناس مابين القرانيس=مانزلوا من قيمته شابكينه
تشبه نسانيس الصحاري نسانيس=مكيفات بيوت اهل المدينه
الاوله حسب ظروف التضاريس=والثانيه حسب ظروف المكينه
ترى الحياه العامره بالنواميس=هوى الفقير اللي عيونه حزينه
الياامتلك حاجه بعينه لاباليس=صاحوا ورى مايملك براحتينه
لوقصرت كفه عن الكسب اوليس= من حقه انه يمتلكها بعينه
ثوره تمني فعلتها الهواجيس = ثارت على قله كفاءة يدينه
وانا قريت ان الغنى فالقواميس=مثل الفقر رغم اختلاف الثنينه
ان الفقير اللي ماعنده احاسيس=وان الغني اللي رضوا والدينه
كلام من واقع لكن فيه تلبيس=يحتاج فكر نقحته السكينه
زكاتكم واجب ياصراره الكيس=وشعوركم زنديق يامالهينه
يقول سيدنا الخضر تقدر تقيس =لانتاج مما تحتويه الخزينه
ولوقال اعضاء التجاره مفاليس =قلنا حلال الناس من مالكينه
هدهد سبا اسلم على يده بلقيس= وفرعون الحد شعب كامل بدينه
ياكوكب الارض الخلايق متاعيس=بحورك غزار وجبالك متينه
هاجر الى حد النجوم المناكيس=لايدمرونك باالحسد والضغينه
المجتمع اما قضاه او جواسيس=وش هي حدود الشرع يامطبقينه
على سفينه نوح من كل جليس=سلام تجري به رياح السفينه
12-12-2006, 12:08 AM
العرض الشجري