مرثية في عمتي وفقه عجوز آل عضيب

[موج الأحزان]

السلام عليكم باجماعة..

أسمحولي على غيابي الطويل بس كثر الأشغال ومن ضمنها

مرض عمتي وفقه أم مرتي ووفاتها عسى ربي يتغمدها بواسع

رحمته..

أدعوا لها بالمغفره والجنه ياجماعه..
.........................................
يمكن أني أستعجلت في تنزيلي للقصيدة لكن أتمنى أنها توفي وتكفي..

جاني خبر في موت وفقه وفزيت..
من مقعدي ثم شاحت اعيون حالي..

قلت يالخليله راحت أمش من البيت..
الله يرحمها يابنت الرجالي..

ثم أجهشت في بكيها وقول ياليت..
أشوفها لو ربع ساعه لحالي..

قلت أبشري وأنا فهد وافي إن جيت..
والله يقدرني على ذالوصالي..

ثم شلتها صوب المغيسل ولبيت..
من طلبةٍٍ في بكيةٍ ياحلالي..

بعد الغسل صار الكفن لجل ذالميت..
وأقبل علينا وكلنا له عيالي..

من فوق كتفي شلتها وليت ماريت..
ذيك الدموع اللي اجمعت كل غالي..

بعد الدفن شفت الطوابير وعزيت..
وأشيل حالي والحزن فيني شالي..

وتمت ثلاث أيامنا بعدها أقفيت..
أنا وخلي والحزن مايبالي..

سبحانك اللي نعمتك فيني أنسيت..
كثر الحزن اللي لفاني في بالي..

يالله ترحمني ألى من توفيت..
وترحم عبادٍ باغيين المعالي..

تمت وصلوا ياعرب عد كل بيت..
على الرسول وسبحوا بالجلالي..

فهد بن كليفيخ آل زعيقها