هـــذره كـــلام

[حقان بن ناصر]

استقبلوها لتواصل

هذره كلام وصففوها بالاوراق = لا وخساره حبرها مع ورقها
غدى الشعر سلعه تداوله الاسواق = وهذا يلاحيها وهذا سرقها
الشعر له شعبه وقدره وعشاق = يحصي عددها ربي اللي خلقها
احد(ن) يصيح احزان وظروف واشواق =والشعر والشعار ربي فرقها
احد(ن) يجيب القاف من علو الافاق = واحد(ن) ليا جاب المعاني محقها
شاعر يعوم بوسط غبات الاعماق = قام ايتخّير فالجزال ونتقها
وشاعر يهذري في هذاريه نقناق = اتعب لسانه والقصيده سحقها
شعرٍ مريض وشعر ماعاد ينطاق = ياهزال ساحه شعرنا يافلقها
ياهيه يالي في منامه ولا فاق = اخذ النصيحه من لساني وسقها
اقرا لشعار المعاني والاذواق = شعار بالجزلات ربي رزقها
ماقول انا عليت في حد الاعناق= مااقول فالساحه رقيت لعنقها
هذا لساني مقطع الشعر لا هاق= أصفق بحور الشعر مخشى غرقها
اعرف اميز بين شاعر وذواق = وخابر موازين البحور وطرقها
والحمدلله مايجي بيتي أدقاق = أحبس جزيله والهزال اعتقها
لامن عسرني القاف في دربي أنساق = سوق العرب للكافر اللي خنقها
وبسم الذي حامل مفاتيح الارزاق = اختم حروفي يوم جاشي نطقها

وسلامت قلوبكم