السلام عليكم ورحمة الله وبركاته
أسف على التاخير
تفضلوا الفصل الثاني
المحقق: لا ماشر, بس البنت اللي أسعفتها (بالعناية المركزة)! وفيها كسر مضاعف بالفخذ, أنت المتسبب فيه وهذا السبب اللي استدعيتك لشانه. والحين أبي أحولك للمديرية وبدورها تقوم بأجرائها لحبسك.
سلطان يقاطع المحقق: يعني يسجنوه؟
المحقق: نعم يسجنوه لين تطلع ريم من العناية المركزة ويتنازلون أهلها .
سلطان: هم رافعين قضيه؟
المحقق: لا للحين بس حنا دائما نحمي المواطن وبحالة حبسه .........
سلطان يقاطع المحقق: الحين هو أنقذ حياتها من الموت.
المحقق يقاطع سلطان: أنا ما خلصت كلامي اسمعني للأخر وإلا أبطردك برى.
وليد: يكلم سلطان خلنا نسمع المحقق للأخير عشان نفهم الموضوع ونرد عليه تفضل كمل كلامك يا حضرة المحقق.
المحقق: وبحالة حبسك يا وليد نحميك من إخوان ريم إذا كان فيهم شر يخفونه.
سلطان: الحين وليد ما قصر أسعف أختهم وهم يحاولون يقاشرونه ويلومونه.
المحقق: حنا نقوم بإجراءاتنا ونتوقع أي شيء يحصل وبهذه الطريقة نتفادى جميع المشاكل.
( وبعد مرور شهر)
خرجت ريم من المستشفى متعافية بالشفاء التام , وقام أخوانها بإجراءات التنازل التام عن وليد , وخرج وليد من السجن
أم سالم وأولادها جميعا يتحمدون بالسلامة لأختهم ريم .
مريم : ها ريم شلونج ألحين ؟؟
ريم : والله بخير و الحمد لله , بس في شيء بقوله لج إذا صرنا بروحنا.
أم سالم : يلا خلونا نروح البيت عشان تريح ريم و نسوي لها عشاء على سلامتها , وأنت يا سالم أعزم الجماعة كلهم .
سالم : إن شاء الله يمه ,, أبشري بالخير وريم تستاهل .
سعود : تصدق يا سلمان إني كنت شايل شر على هذا اللي اسمه وليد لكن ألحين أشكره لأنه أنقذ ريم .
سلمان : إي صح لأن أي واحد يمر بالموقف ,, راح يسوي اللي سواه وليد , وباين على وليد انه رجال من ناس محترمين وطيبين ولازم نشكره ونسلم عليه .
سالم : كلامكم كله صحيح بس أنا بفيدكم بشغله , إن الإنسان دائما يحط الصبر قدام عيونه في جميع الأمور سواء كانت صغيره أو كبيره ويترك العجالة لأنها دائما ترجع سلبيه عليه .
(والد وليد ينهي إجراءات الإفراج عنه من السجن)
أبو وليد: الحمد لله على السلامة يا وليد .
وليد : الله يسلمك يبه ,, ودني البيت بسرعة مشتاق لأمي والبيت .
أبو وليد : وأنا مو مشتاق لي ؟؟!!
وليد : لا يبه أنت مو مقصر لأنك كل يوم تزورني ,, بس الوالدة ما تقدر تجي إلا بالأسبوع مره .
أبو وليد : يلا مشينا ,, نكمل كلامنا بالبيت. يعطيك العافية يا حضرة الضابط , يلا ما تشوف شر.
وليد : أبي أتصل على سلطان مشتاق له .
سلطان : غريبة!!!!!! هذا رقم وليد ؟؟ خلني أرد عليه . ألوووووو ... أنت من وين طلعت ؟؟
وليد : السلام عليكم ,, أبشرك طلعت .. أنا رايح البيت ألحين .
سلطان : الحمد لله على السلامة ,
وليد : الله يسلمك ,, خلصني وتعال للبيت مو فاضيلك ألحين .
سلطان :أوكي ,, الوعد البيت .. و أنا بابلغ الربع كلهم ..
وليد : إي والله ,, الله يعافيك بلغ الشباب كلهم ..
أبو وليد : السلااااااام عليكم .. قرت عينج يا أم وليد..
أم وليد ( وعيونها كلها دموع ) : بوجه نبيك يا بو وليد ,, وين وليدي ؟؟
وليد: هلا يمه ,, مشتاق لج وااااااااااجد ..
أم وليد : تعال ياوليدي خلني اتمقل بوجهك نسيت معالم وجهك .؟؟ حسبي الله على اللي كان السبب .. ما يدرون إن الأم إذا فقدت احد من عوالها تعيش بدوامها مالها نهاية لا تنام الليل و لا تاكل الأكل , بس تمشي وتفكر كنها مضيعه شيء .. والله ياوليدي إني حفظت كل شيء بالبيت من كثر مادور فيه .. من الضيقة اللي بصدري
وليد يقاطع أمه : لااااااااااااااا يمه إن شاء الله من اليوم و رايح .. بنسيج كل الأيام اللي طافت ... وترى موضوعنا اللي تكلمنا فيه قبل ما نسيته ..
أم وليد : لا ولدي ,,, خلاص ماني مزوجتك .. أنا شهر ما قدرت أصبر بدونك
وليد: لا يمه لا تحاتين ,, بقابلج 24 ساعة ,, حبج اللي بقلبي ما يتغير .
خالد يقاطعهم : بس خلاص يمه عطينا مجال نسلم عليه .
أم وليد : لا تلومني يا خالد ,, ترى حتى أنت غالي , عساني ما فقدك .
خالد : وااااااااااااااااااااااااااااضح
وليد: شلونك خالد؟؟ والله لك وحشة .. وأخبار الجامعة وياك ؟
خالد: والله بخير و الحمد لله و الجامعة ما عليها .. تونا مخلصين الامتحانات و أبشرك كل شيء تمام
أبو وليد: المهم يا أم وليد ,, متى تبينا نسوي عشاء لوليد ..
أم وليد : خلها الخميس الجاي عشان نعزم الربع كلهم .
وليد : لا يبه ماله داعي ,,
( الجرس يرن )
أبو وليد : خالد روح شوف من عند الباب؟؟
خالد: أبشر ,,منو عند الباب ؟؟
سلطان : هلا خالد ,, وين وليد ؟؟
خالد : هلا سلطان تفضل بالديوانية الحين أناديه لك ..
وليد: السلام عليكم هلا والله سلطان ,, عاش من شافك ..
سلطان : هلا ومرحبا بالغالي ,, الحمد لله على السلامة .. والله لك وحشه ,,
وليد : الله يسلمك ,, والله حتى أنا مشتاق لكم ولطلعات البر .. شلونك؟؟
سلطان : أنا الحمد لله بخير وعافية والربع كلهم يسلمون عليك و جايين بالطريق,, اسمع .. ترى عشاك باجر عندي .. قل تم .
وليد : لا يابن الحلال ,, مالها داعي الكلافه ,, الوالد بيسوي لي عشاء وبعتبر انه منكم جميع ..
أبو وليد : السلام عليكم .. هلا سلطان ومرحبا ..
سلطان : هلا عمي .. شخبارك؟ والحمد لله على سلامة وليد .
أبو وليد : الله يسلمك ,, وترى الخميس عندنا عشاء ,, بلغ أبوك وخوانك لازم تحضرون .
سلطان : إن شاء الله و عساك على القوة .
*******************************************
في بيت ريم ...
سالم : ها سلمان .. عزمتو على العشاء؟؟
سلمان : أي بلغت الربع كلهم وان شاء الله كلهم جايين على كلامهم .
سعود : يلا يا مريم هذي هي ريم اللي كنتي كل يوم تبجين عليها ودموعك ماليه وجهك.
مريم : والله لا تلومني كان الوقت بدونها يمشي بصعوبة.
ريم ودموعها بعيونها : الله لا يحرمني منج , صحيح انك وافيه .
مريم : إذا مابجي عليج ,, أبجي على من .. إذا حياتي كلها قضيتها وياك .. و أسراري كلها بقلبك
سعود: دام إن السالفة صارت دموع و أسرار أنا انسحب أحسن لي ,,
مريم : فكه ,,
ريم : حرام عليج لا تقولين جذي,
مريم : أحسن أبيج تقولين لي ..
ريم : شنووووووو!!!!!
مريم : لا تقولين نسيتي ؟؟ السالفة اللي بالمستشفى ,, اللي قلتي إذا صرنا بروحنا اقولج ..
ريم: يمه منج ما تنسين ..
مريم : أقول لا تتهربين ,, يلا قولي من اليوم و أنا انطر على جمر بس عشان اسمع السالفة .
ريم : السالفة يبيلها قعده طويلة وتعرفين .. عندنا عشاء و بيجون ضيوف,, بقولج بس باجر
مريم : تدرين شلون ,, أمشي نتكشخ وتقولين السالفة لي
أم سالم : يا ريم أنتي ومريم وينكم؟؟ تعالوا ساعدوني .. ومريموووه ما وصيج إذا جونا الحريم أبيج تقهوينهم مو تفشليني مثل كل مره ..
مريم : الله يصبر قليبي على الحريم والله ما حب الرسميات و العزايم
ريم : تحملي كلها جم ساعة وتفتكين ..
مريم : الله يعين ونشوف تاليها ..
أم سالم : الله بلاني ببنات مجانين .. يلا ألبسوا بسرعة ما في وقت لسوالفكم,,,
مريم : : أش درآها عن سوالفنا ؟؟ لا يكون كانت تتسمع ؟؟.
ريم : اللي على راسه بطحااا ... أمي ما تقصد سوالفنا ,, تقصد ملاقتج ..
مريم : اوووووه منكم ما تحبوني ... عومه ماكوله ومذمومة ,,, لي الله
سالم يكلم سعود : روح جيب القهوة و الجاي ,, لا يجوون الرجال وقهوتكم ما هي زاهبه .
سعود : أبشر
سلمان : تراني جايب قدوع جديد خلهم يحطونه ..
سالم : سلمان ؟؟ أنت عزمت ربعك كلهم ؟؟
سلمان : إيه عزمتهم كلهم ...سالم : يا هلا الله حيهم زارتنا البركة , سق القهوة يا سلمان
*******************************************
وليد يكلم أمه: إلا على الطارئ البنت ألي في المستشفى أش صار عليها
أم وليد: ما تنازلوا عنك إلا لأنها طيبه و ما فيها شي
وليد: إلا أنتي ما كلمتيهم ما كلموك
أم وليد: لا والله يا وليدي ما كلمتهم
وليد: ليه ما اتصلت عليهم؟
أم وليد: لا والله ما اتصلت عليهم , بس تعال فيه ورقة من دوامك!
وليد: وين الورقة موجودة عندك
أم وليد: أيه موجودة. أبي أروح أجيبها لك
وليد: عطينيها خليني اقرأها
وليد قاعد يقرأ الورقة
أم وليد: ها بشر يا وليد شن مكتوب فيها
وليد: الدوام معطني ثلاث إنذارات وفصل نهائي, بس ما عليه أنا معاي ورقه وأبوي رايح مكلمهم والحين أبكلم رفيجي عبد الله وليد يتصل على عبد الله الووو عبد الله شلونك عبد الله : هلا وغلا وليد الحمد لله على ألسلامه متى طلعت .
وليد : اليوم طلعت انتم شلونكم كلكم من أصغركم لااكبركم وشلون الدوام معكم وعطني علومك .
عبد الله : والله بخير والربع كلهم يسألون عنك ، أي وعلى فكره ترى فصلوك فصل نهائي .
وليد : عندي خبر والظاهر أني مراح أرد .
عبد الله : ليش .
وليد : أنا من زمان صابر على الدوام وهاذي فرصتي .
عبد الله : بس ربعك متعود عليهم ومتعودين عليك .
وليد : الربع أن شاء الله مراح اقطع عنهم ، وبريح كم شهر وبعدين بدور لي وضيفه .
عبد الله : جانك عازم الله يوفك بس عاد مو تنسانا .
وليد : افا أنت من الغاليين والغاليين ما ينسون ، لملي على الربع وتأمرنا بشي .
عبد الله : لا سلامتك ولأتقاطع ، وما تشوف شر .
وليد : ما تشوف شر مع السلامة .
وليد يسكر التلفون من عبدا لله ويكلم أمه : المهم يمه كلمي أم البنت وحسسيها إننا مو شايلين عليهم. وعلى فكره ترا ماشفت أختي مها , وينها ؟
أم وليد : قول ما شاء الله أختك طالعه الأولى على ثانيه ابتدائي كلها, . واختك بغرفتها تلعب. وانا راح اكلم ام البنت بالموضوع.
وليد : ما شاء الله كلام طيب. أنا بروح عندي إشغال كثر شعر راسي. ولاحيت أن شاء الله أعطيها هدية تفوقها. يا لله أنا رايح تبين شيء يمه؟
أم وليد : إذا شفت حادث بالشارع لا توقف.
وليد: لا يمه توبة. إلا إذا أخذت دورة إسعافات أوليه.
*******************************************
الضيوف : يا لله أكرمكم الله وما تشوفون شرا إن شاء لله
سالم : حياكم الله.
سلمان يكلم سالم : أنا دايخ عاد أبيك تسمح لي بروح أنام
سالم : يالله ماتشوف شر وتصبح على خير .
سلمان : السلام عليكم ,,
مريم وريم : وعليكم السلام .
مريم : راحوا الضيوف اللي عندكم يا سلمان ؟؟
سلمان : إيه راحوا وانا بروح أنام لاحد يقعدني أو يزعجني ,.,
مريم : ماتشوف شر ماحد بيزعجك .
مريم : يالله ريم قولولي السالفه ,, ترى من اليوم أقهوي الحريم على العشاء وانا على أعصابي ,,
ريم : تصدقين كل ما انسي السالفه تذكريني فيها .
مريم : لا مو ناسيتها ,, في بالي , وماراح أخليج لين تقولينها .
ريم : خلاص بقولج عشان ماتزعجيني ,
مريم : يلااا يلاااا بسرعه
ريم : شفتي طول فترة الغيبوبه اللي كنت فيها ,, كان الشخص اللي اسعفني دايم قبالي .لدرجة اني لو أشوفه الحين اعرفه ,, والحين وأنا قاعده اسولف وياج قعدت أتذكر شكله , ..
مريم: سبحان الله انتي كنتي تذكرينه بالخير وحنا كنا صبح ومساء ندعي عليه ,,
ريم : تدعوووون عليه !!! لييييييش ؟؟
مريم : شفتي الكسر المضاعف اللي صارلج ,, هو اللي تسبب فيه .
ريم : مريم أنتي الظاهر ماتدرين شنو اللي صار ,, خليني اشرح لج الموضوع , أنا مالومه ولا اعتب عليه حتى لو انه كاسر ظهري لانج انتي مامريتي باللي انا مريت فيه وأي واحد مر باللي أنا مريت فيه ماراح يلومه , انا وقتها كنت ابجي واصيح وهو كان يطالع فيني وماكان في باله انه بيسعفني ,, انا كنت اشوف الشئ هذا بعيونه ومن كثر ماني خايفه انه يروح ويخليني طلبت منه طلب والحمدلله طلع فيه خير ولبى طلبي ,, والطلب اللي انا طلبته كان من كلمتين او تقريبا ثلاث ( تكفى لا تخليني ) ومن كثر ما اثرت فيه الكلمه كفس كمومه وصاح على اللي جنبه قال ساعدني خلني اشيلها وهذي اخر لحظه شفته فيها,( وانا من كثر ما أعجبت في شهامته ماني قادره اشيل صورته من خيالي صرت اتخيله في كل مكان ),
مريم وعيونها غرقانه بالدموع : تصدقين عاد أن طول الفترة اللي طافت كنت حاقدة عليه ولو اشوفه جدامي ذبحته ,,
ريم : حرااااام عليج استغفري الله لا يقبل دعوتج
مريم : هاا ريم شفيج ؟؟ جنج بتردين للغيبوبه
ريم : والله لا تلوميني ,, حتى أنا ماني قادرة املك اعصابي ,
مريم : هااااااااااااااااااااااااااا جنج بديتي تدخلين سيره الحب ,, ماناقص الا تقولين أحبه
ريم : والله مادري شقول بس الانسان هذا مو قادره اشيله من خيالي
أم سالم : السلام عليكم ,, بس يا مريم ازعجتي ريم ,, خليها تنام ,, ولا ماتدرين انها تعبانه ,,
مريم : ياااربي ,, شفيكم علي بس تخانقوني ,, ألحين هي اللي تسولف مو انا
ريم : يمه ان شاء الله الحين بننام وانتي بعد روحي ارتاحي وتصبحين على خير ,,
مريم تهمس لريم : والسالفه ,؟؟!! شصار عليها؟؟ ريم : أكملها لج باجر ,,
*******************************************
وليد : السلام عليكم ..
أم وليد : وعليكم السلام والرحمه ,,
وليد : يمه شفيج لي الحين منامتي ؟؟ شفيج عسى ماشر يعورج شئ؟؟
أم وليد : لا ياوليدي بس من كثر ماني فرحانه بطلعتك النوم مو راضي يجي عيوني ..
وليد : لا يمه روحي نامي وأنا بروح أنام عشان باجر أن شاء الله تختاريلي عروسه المستقبل وان شاء الله أذا توظفت وظيفتي الجديدة ,, أول أسبوع من الوظيفة الجديدة أتزوج ,,
أم وليد : يالله اجل تصبح على خير والوعد باجر أن شاء الله
********************************
جرس بيت أم سالم يطق ::
أم سالم : يالله صباح خير ,, منو اللي يطق الباب على هالصبح ؟؟!! منو عند الباب ؟؟
المطعم : أنا بتوع المطعم ,, عاوزين الصحون اللي مبارح ..
أم سالم : اصبر الحين اخلي الخدامة تجيبهم لك .. يامريم قومي خلي الخدامة تطلع الصحون للمطعم وصحصحي روحي للمدرسه ,,
مريم : اووووووووه الظاهر أن أمي ماتدري آن اليوم الخميس
مريم : ان شاء الله يمه الحين ابلغ الخدامة وعلى فكرة اليوم الخميس ماكو دراسه
أم سالم : والله يابنيتي لا تلوميني الشهور ماعرفها دون الأيام
مريم : الله يعينج يا يمه كلنا بنمر على هالدرب هذا ,,
********************************
أم وليد تقعد وليد وخالد : يالله ياعيالي قوموا عاونوا ابوكم الليله عنده عشاء ,,
وليد وخالد : أن شاء الله يمه الحين نقوم ..
وليد : الله يستر ,, سلطان داق علي 10 مرات ؟؟!! يتصل فيه ..
( وليد يتصل بسلطان )
وليد : ألووووووو ؟؟
سلطان : هلا نومان أدق عليك من الصبح ماترد ؟؟!!
وليد : هاا فضخت قلبي الله يلعن بليسك ترى هالايام قلبي مامن صمايل !!
سلطان: لا أنا بابلغك وستأذن منك بنفس الوقت .. أنا بروح للسعودية والظاهر مراح احضر عشاكم الليلة ,,
وليد : لاااااااا مو على كيفك لازم تحضر الليلة ,, أجل سفرتك لبكره .
سلطان : ماهو بكيفي ضروري لازم أروح ألليله بس أن شاء الله أحاول اخلص شغلي الليلة وأجي معود .
وليد: الليله لازم تحضر ,,
سلطان : ماوعدك لكني بستعجل بالشغل ,,
وليد : على خير أن شاء الله ,,
خالد : أنا جاهز ياوليد ,, يالله نمشي ,,
وليد : خلاص أنت ود أبوي لسوق الغنم وأنا بودي أمي للجمعيه ,,
خالد : على خير أن شاء الله ...
*****************************
مريم تقعد ريم : قومي قومي ريم ,,,,
ريم : هاااااا خليني أنام شتبين ؟؟
مريم : لاقومي شوقتيني لسالفتج ..
ريم : خلاص يالله بقوم ,, روحي خليهم يحطون لي ريوق ,,
سعود : مريم ,,
مريم : هلا ؟؟ أمر !!
سعود : روحي للخدامه خليها تطلع الفرشة والعزبه وتحطلي حمامه بالقفص ,, عشان بروح ادعي الطير ,,
مريم : شنو شنو ؟؟ يعني شنو ادعي الطير ؟؟
سعوود : أنتي شعرفج !! ادعي الطير يعني بروح اعلفه !! فهمتي الحين ؟؟
مريم : والله عليكم مسميات غريبه تبيلها قاموس بروح
سعود : روحي زين سوي اللي قلت لج وبلا فلسفه زايده ..
ريم : شفيكم انتم ؟؟ هااا كلمتي الخدامة تحط لي ريوووق ؟؟
مريم : لا حول ولا قوة الا بالله ,, كأنه مافي البيت إلا أنا !! حشى صرت خدامتكم ..
أم سالم : شفيكم انتم من صباح الله خير تخانقون ..
مريم : أي يمه حيلج فيهم ,, من اليوم يزفوني
ريم : يمه منج يا مريم .. ماسوينا لج شئ ,,
سعود : يالله بعد أذنكم أنا رايح ,,
مريم : يلا ريم تعالي خلينا نتريق ومنها احم احم
ريم : يالله مشينا ,,
مريم : يالله سولفيلي بسرعه ..
ريم : وبعدين يعني ؟؟ ترى خلصت السالفه ,, لا تبطين جبدي ,,
مريم : لا ابيج تقوليلي شنو شعورج ؟؟
ريم : جب ولا كلمه ,, اللي عندي وقلته وخلاص أعقلي ,,
مريم : زين شدراج يمكن انه متزوج ريم : فال الله ولا فالج يا بشير الشر ,,
مريم : اهااااااااااااااه بين خافيج ..
ريم : ليش ؟؟ هذا اللي بتوصلين له ؟؟
مريم : أي هذا اللي بوصل له وطبعا أنا اختج الوحيده وأكيد أبي مصلحتج ..
*****************************************
وليد وأمه رايحين الجمعيه ...
أم وليد : ترى ياوليدي اخترت لك بنت الحلال .
وليد : لا يمه لا تقولين لي عنها واحتفظي فيها ,, لاني البارح قبل مانام فكرت بموضوع . اني ما استعجل ولا أسوي شئ الا بعد ماتوظف ..
أم وليد : خلاص تراها موجودة ومتى مابغيت قل لي وأنا حاضرة من العين هذي قبل هذي ,,
وليد : تسلم عيونج يا اغلى مافي الكون . ( تلفون وليد يدق ) ,, هذا رقم خالد ؟؟ شعنده داق ؟؟
ألووووووو خالد : أبوي يقول لك جيب وياك من الجمعيه قدوع ,,
وليد : حااااااااااااااضر إن شاء الله , خدمات ثانيه ,
خالد : لا تسلم ,, بس عجل
**************************************
( محمد زميل وليد في طفولته ودراسته وهو يدرس طيار عسكري في قاعدة جوية في فرنسا )
محمد يتحدث إلى احد زملائه في القاعدة : شنو شعورك والتخريج باقي له أسبوع ؟
فواز : أنا مشتاق للكويت ولاكل الكويت ,, لأعت جبدي من أكل المطاعم ,, مشتاق لمجبوس أمي صارلي سنتين ماكلته ..
محمد : أنا مشتاق للوالده , وعندي صديق أسمه وليد ,, عشرة عمر من ايام الابتدائي ,, من كثر ماهو طيب أعده واحد من خواني , وإن شاء الله أول مارد راح أتزوج على طووول ..
فواز : لا أنا ماراح أتزوج ألحين ,, بقعد على الأقل سنتين وبريح مخي من دوخه الدراسة.
محمد : إي بلاك ماتحب ,, !!
فواز : ليش ؟؟ أنت تحب ؟؟!!
محمد : مافيه أحد مايحب ,, حتى أنت اللي تكلمني تحب ,,
فواز : أنا ؟؟ !! لا ,, منو قالك
محمد : شوي شوي لا يطيح نصك .. ماحد قالك شئ ,,
فواز : لا ياخي انت توك تتهمني ,,
محمد : اصلا باين عليك ,, وجهك حمر ..
فواز : توقع منو الأول على الدورة .
محمد : أنا !!!!!!!!!!! خوش ترقيييعه .
*******************************************
ريم : دام انج جذي أنا بصارحج بس مو كل دقيقه تفتحين لي الموضوع وتفشلينا ,,, كافي كل ماشافتنا أمي تقول شعندكم قاعدين ؟؟!!
مريم : أوكي بس انتي قوليلي كل شئ وأنا اوعدج أني اسكت ,,
ريم : أنا بصراحة بصراحة بصراحة ..........أعجبت بالشخص اللي اسعفني .
مريم : أعجبني ؟؟ ولااااااااااااا!! ريم : المهم ,, زين انج فهمتي ,, ابيج تساعديني ..
مريم : حاضرين أنتي أمري بس وانا بالخدمه,,,
ريم : أبي طريقة أشكره فيها ,,
مريم : دقي على أمه وكلميها ؟
ريم : وأنا شعرفني برقمهم ,, صج انج غبيه وانا اغبى منج اللي استشيرج بالشغله هذي ,,
أم سالم : مريم ؟؟
مريم : نعم ,,
أم سالم : قومي روحي خلي الخدامة تنجب الغداء .. , وبعدين شفيكم انتوى كل ماجيكم سكتوا شنو الشيء اللي تخفونه عني ؟؟!!
ريم : لا يمه بس تعرفين ضايق خلقها مريم ومن زمان بروحها وماعندها أحد ,, وجيتها انا فقعدت تعبر عن شعورها طول الايام اللي طافت .
أم سالم : أي والله مالومها طول الفترة اللي كنتي فيها بالمستشفى كانت كل يوم تبجي .
******************************************
وليد : ماشاء الله عليج يمه ,, ماخليتي شيء بالجمعية الا وشريتيه .
أم وليد : هذا عشاك ياوليدي وانت تستاهل .
وليد : على الطاري يمه .. ماكلمتي ام ريم ؟؟
أم وليد : لا والله ماعرف رقمهم !!
وليد : أنا أعرفه , تبيني أدق ألحين ؟؟
أم وليد : إي والله فرصة بعد خلني أعزمهم على العشاء .
وليد : هاج يمه كلمي ’’ قاعد يدق !!
أم وليد : الو السلام عليكم ,,
ريم : وعليكم السلام والرحمة , منو؟؟
أم وليد : وياج أم وليد ..
ريم : ماعرفتج أسمحيلي منو أم وليد ؟؟
أم وليد : هذا بيت أم سالم .؟
ريم : إي نعم هذا بيتها ؟؟ منو بغيتي؟
أم وليد : أنتي منو ؟
ريم : أنا ريم ..أمري خالتي ؟؟أم وليد : ماشاء الله الحمدلله على السلامة ..
ريم : الله يسلمج ,, بس ماعرفتج ؟؟
أم وليد : أنا أم وليد اللي اسعفج من الحادث ..وحبيت اتصل عشان اسلم عليكم واتطمن ..ممكن تعطيني أمج اسلم عليها ؟؟
ريم : حاضر خالتي دقايق بس ..
مريم : شوي شوي رجلج مكسورة شفيج تركضين .
ريم : بلاج ماتدرين شالسالفه ,, بعد شوي أقولج
مريم : !!!!!! ننطر بعد شوي ..
ريم : يماااااااااااااااااااااه ,,
أم سالم : هلا ريم ,, شفيج ؟؟
ريم : في حرمه تبيج على التلفون ..
أم سالم : يالله جايه .. ,,,
أم سالم : ألوووووو,,أم وليد : السلام عليكم .
أم سالم : وعليكم السلام ,, منو ؟؟
أم وليد : أنا أم وليد اللي أسعف بنتج .. شلونج وشلون بنتج والعيال ,, عساكم بخير؟؟
أم سالم : هلا والله الحمدلله كلنا بخير ومافينا الا زود النعمه ,, أنتم شخباركم ؟؟
أم وليد : الحمدلله بخير وعافيه ,, والحمدلله على سلامه ريم وعساها ماتشوف شر ,,
أم سالم : الحمدلله ,, فكها الله ,, وولدج ماقصر الله يسلمه ويكثر من أمثاله ,,
أم وليد : ماسوينا الا الواجب ,, وأنا اتصلت اليوم مخصوص عشان اسلم وعزمكم اليوم ,, عندنا عشاء ,, واتمنى حضوركم ,,
أم سالم : والله ودنا بس حنا معزومين على عشاء اليوم .. فرصه ثانيه ..
أم وليد : ماتشوفون شر ,, خلاص أنا بكره أمركم ,, أتحمد بالسلامه لريم وأسلم عليكم ,,
أم سالم : حياج الله ,, بأي وقت ,,
أم وليد : يالله فمان الله ,,
أم سالم : حياج الله ,,
وليد : ها شلون الوضع ألحين .؟
أم وليد : لا ماشاء الله ناس باين عليهم محترمين ,, عزمتهم على العشاء وطلعوا معزومين ,, وقلت باجر أروح لهم البيت ..
وليد : أي والله فيج الخير يمه ,
****************************************
مريم : تعالي تعالي تعالي ,, شسالفتج أنتي ؟؟
ريم : ماتدرين منو اللي اتصلت ؟؟
مريم : لا ؟؟ منو !!
ريم : أم وليد
مريم : ومنو هذي أم وليد ؟؟
ريم : ماتدرين منو وليد ؟؟
مريم : لا ماحصل لي الشرف !!
ريم : اللي كنا نسولف عنه قبل شوي ؟؟
مريم : لايكون اللي .... تبين تشكرينه
ريم : إي أول مره أكتشف انج ذكيه
مريم : شعلى بالج ,, أنا افهمها وهي طايره ,,
ريم : المهم ماعلينا ,, أنا في بالي شغله بسويها وأبي رايج ؟؟ السنة اللي طافت يوم رحنا الامارات ,, أنا شتريت من السوق قلب مشطور ,, وقبل شوي وأنا اكلم ام وليد طرت على بالي فكره اني اخذ واحد من شطرين القلب واغلفه واكتب في ورقه رسالة لوليد اشكره فيها ,,
مريم : الله الله ,, يكثر ماتطالعين أغنيه وصيت قلبي
ريم : لاتفكرين بعيد ,, وعطيني رايج بلا فلسفه ,,
مريم : والله فكرتج جهنميه ,, وهذا هو الحب على أصوله ,,
******************************************
وليد : السلام عليكم .
أبو وليد وخالد : وعليكم السلام ,,
وليد : ماشاء الله عليكم طلعتم مشببين ..
أبو وليد : أنا مشبب وأنت ماطلعت من بطن أمك .
وليد : لا يبه أنا ماقصدي ازعلك ,, أنت دايم تفهمني غلط .
خالد : ما شاء الله على أبوي اختار لنا هالطلي الطيب .
وليد : أي أبوي من عرفته وذبايحه ما شاء الله طيبه .
*******************************************
سلطان في السعودية
سلطان : أنا عاد استأذن وبروح .
فهيد : لا ياخوي عشاك الليله ماتروح .
سلطان : اسمحلي والله اني معزوم على عشاء بالكويت ولازم أروح .
فهيد : لا ياخوي ماسمح لك .
سلطان : الله يرحم شيبانك والله أني متأخر ومعطي الناس كلمه ,, وأنت راعي واجب وماعليك ومجرب ,,
فهيد : دام السالفه كذا اجل توقع وانتبه للدرب ..
سلطان : لا توصي حريص .
فهيد : ماتشوف شر . وسلم لي على الربع اللي تواجههم .
سلطان :ابشر ..
وليد يتصل على سلطان
وليد : خالد شرايك ؟؟ أنا صارلي ساعة اتصل على سلطان وجهازه مغلق ,, ننطره على العشاء والا نقلط الضيوف ..؟
خالد : والله اللي اشوفه ان سلطان مسافر والغايب حجته معه والوقت تأخر ,.
وليد : خلاص اجل بروح أقول لأبوي يقلط الضيوف ,,
*******************************************
مريم : والله ماشاء الله عليج ريم : ليش شايفته حلو تبين صراحة موعاجبني مريم : لاوالله عاجبني ونص اذا قاره وليد راح يعجب فيه .
***********
وليد : تصدق خالد أنا قلبي مو مطمن على سلطان .
خالد : أنا أنصحك انك تروح تنام ولا تفكر واجد .
وليد : أي والله جنك تدري أشهدني دايخ .
خالد : يلا اجل تصبح على خير .
وليد : تصبح على خير .
******************
أم وليد : يلا يا وليد قم ودني حق أم سالم .
وليد : شفيج يمه باجر الصبح اوديج .
أم وليد : بسم الله عليك ياوليد قم الصبح الحين . وليد : يلا يلا قمة الحين أم وليد أنا في الصالة ناطرتك
*******************************************
أم سالم : مريم شوفي منو الي عند الباب مريم : أن شاء الله يمه , منو الي عند الباب بابنتي فتحي أنا أم وليد حاضر ياخالتي حياج تفضلي داخل عند أمي في الصالة ماشاء الله من هذي لبنوته الصغيرة الحلو ه أم وليد : هذا مها بنتي الوحيده مريم : ما شاء الله حلوه , يمه أم وليد جات أم سالم : حياج أم وليد تفضلي مريم : ريم ريم تعلي شوفي أم وليد معهاه بنوته حلوه ريم : بس لقيته هذي فرصتي مريم : شنو هي الفرصه ريم : أخلي البنت الصغيرة هي إلي توصل الهدية حق وليد مريم : ماشاء الله اثأري الحب يصنع أذكياء ريم : نعم الحاجة أم لاختراع مريم : ماشاء الله فيلسوفه بعد ريم : بس خلاص تعالي روح نسلم على أم وليد ومنها نأخذ البنت ونعطيه الهدية
*******************************************
وليد : يتصل على سلطان والجهاز مغلق
وليد : مافيه غير أني اتصل على فهد وسؤله عن سلطان لوووو شلونك فهد فهد : هلا وليد والله بخير والحمد الله وليد : أنا من أمس أحول أني أدق على سلطان والجهاز مغلق فهد : والله مدري بس إلي اعرفه انه مسافر السعودية وليد: ادري أنه مسافر بس ماتدري هو موجود لا والله مدري
وليد : اوكي أذا كلمته دق على أو قوله يدق علي فهد : اوكي
*****************************************
ريم : شنو أسمج ياحلوه أسمي مها ريم : أي صف أنتي مها: في الصف الثاني ريم : أبي اعطيج شغله توصلينه حق وليد بس لا حد يدري عنه مها : حاضر أم وليد : مها تعالي أحوج عند الباب نبي نروح ريم : خلاص مها روحي حق أمج بس لا حد يدري عن شغله ألي معاج غير وليد
أم وليد : سلام عليكم وليد : هلا بالغالية أم وليد : شفيك ياوليدي وليد : لا يمه مافيني شي بس صاحبي سلطان مسافر السعودية ولي أعرفه أنها راح يحضر العشاء عندنا البارح وأنا من أمس أدق عليه وجهازه مغلق أم وليد : الغايب عذره معه أم وليد سلام عليكم خالد : هلا يمه وصلتي
مها : وليد وليد تعال أبيك بشي خطير وأيد وليد : حاضر كم عندي مها في البيت
(( تررررررررررررررررن تلفون وليد يرن ))
وليد : الووو هلا فهد فهد: وليد أنا براء عند الباب وليد : اوكي جاي مها : لحظه وليد لا تروح أنا أبيك وليد : خلاص بعد شوي أنا مستعجل وليد : هلا فهد شفيك فهد : مافيني شي بس أبيك تروح معي حق معرض السيارات شاري سيارة أبي أجيبه وليد : حرام عليك والله ني قلت سلطان فيه شي بس الحمد الله اوكي حاضر يابوشباب نروح ليش مانروح وليد : الووووو يمه أنا بروح مع فهد عطيني مها أبي أكلمه مها الوووو هلا وليد وليد : شنو تبين فيني مها : احظه خلني أروح بروحي حق الصاله ثانيه وليد : ليش مها : معلي شغله حقك وليد : اوكي خليه في غرفتي داخل درج التسريحه مها : حاضر بأي
*****************************************
(( بعد مرور أسبوع )) محمد صديق وليد في مطار الكويت قادم من فرنسا
محمد : الووووووووو شلونك وليد وليد : هلا والله منو الي معاي محمد : ماعرفتني أنا من كثر ماني مشتاقلك أكلمك من المطار وليد : هلا والله محمد الحمد الله على السلامه بشر عساء تخرجة
محمد : أيه أبشرك تخرجة وليد على البركة اسمع عشاك بكره عندي والله ماتقول شي محمد : لا يارجال أبوي مسوي عشاء الخميس وعازم الجماعه كلهم وليد : خلاص ابشر أنا أول الحضور
محمد : داش البيت سلام عليكم أم محمد : هلا هلا هلا مرحبا بالغالي تعال عندي محمد : أنتي شلونج وشخبارج شلون صحتج أم محمد : والله طيبه بس أنت روح نام شكلك تعبان محمد عز الله أني تعبان عندي سوالف بكره راح أقوله لج مع السلام
أم وليد : قوم وليد أبيك توديني للجمعيه .
وليد : ابشري يمه الحين أقوم .
*****************************************
أم محمد : قوم محمد .
محمد : ابشري يالغاليه .
أم محمد : يلا أنا مزهبه الريوق ونطرك بالصالة محمد : حاضر الحين جاي , أم محمد شرايك في الريوق محمد : من زمان عن هذا الاكل أم محمد : عافيه , عطني علومك الي تقول واجد محمد : أبشر هي سالفة وحده وأبي رايج فيه , أنا أبي أخطب أم محمد : هذي البشارة صج متى تبي ومنو البنت محمد : أنا بصراحه ودي اليوم على شان أخلي حفل التخرج والملكه مره وحده شاريج أم محمد : يازين كلامك بس ماقلتي منو البنت محمد : بنت حيرانا قبل أم محمد : تقصد أم سالم بس عنده بنتين أي وحده فيهم مريم ولا ريم محمد : لا ريم الكبيره أم محمد : ماشاء الله عليك محد يغلبك حتى مرتك من أطيب الحريم
******************************************
أم وليد : شفيك وليد صارلك أسبوع وأنتي متضايق وليد : والله يمه رفيجي سلطان صارله اسبوع مدري عنه أم وليد : بتصل على أمه وأشوف شنو فيهم وليد : تعرفين رقمهم يمه أم وليد : عندي بدق عليهم , الووووووووو السلام عليكم أم سلطان : هلا أم وليد , أم وليد : هلا أم سلطان ., ولدي وليد صارله أسبوع يدور سلطان هو رجع من السعودية أم سلطان (( أم سلطان تبكي )) أم وليد : شفيج أم سلطان ليش تبكين وليد : !!!!!!!!!!!!!!!!!!!!! شفيه يمه !!!!!!!!!!!
انتظروا أحداث الفصل الثالث
25-04-2007, 03:01 AM
ماشاءالله قصه رائعه....
امتحانتي تبدا الاربعا كملها بليييز
العرض العادي
