جاك الوفا والغلا كله

[سالم الرتيبان]

ياصاحبي يامسليني = انت الذي تعرف العله
الهم فالصدر طاويني = وادعي عسى ربي يشله
ومن السهر شابت العيني = سبت حبيبي وانا خله
ارقب نجومه تخاويني = واثر القمر زاهين طله
اقطف ورود البساتيني = ومن الغلا دوم مبتله
حبه مشى بالشرايني = القلب بيته ومسكن له
ياصاحبي يانظر عيني = جاك الوفا والغلا كله
واصبحت ضمن المجانيني = مع قيس مع عنتر وعبله
ياصاحبي يامسليني = انت الذي تعرف العله