السلام عليكم ورحمه الله وبركاته..
الاخ الجبرتي..حياك الله ولكن لي تعقيب بسيط على كلامك اذا سمحت طال عمرك.
اولا,, اذا كنت تبي تنقد شاعر وانت تلعب معه,فالمفروض انك تنقده في ردك عليه , مهوب تسوي تقرير تحريري,هذا اذا يحتاج نقد يعني اذا شطح الشاعر بقوه, وانا اشوف مشعل اجاد في الرد.
وثانيا,, كلامك عن الموال انا اشوف انك شطحت بقوه ,, مشعل يقول نحميها يعني نولعهاااا على ما اضن,,مهوب نحميها بمعنى من دونها.
وثالثا,,مرحبا عد صف المصلين,,رجعت وشطحت الله يحييك,, انت سلمت وهو رحب بك, وهذا الاصل.
ورابعا,, هرجتي هرجتي توحيبها,, بمعنى تسمعها وتفهمها, وياما سمعنا من الشعار الكبار مثل التركيب هذا, ولا يعيب الشاعر ولا ينقص من شاعريته,لان الهدف واضح, ولا فيه تشتيت , والقاف يجبر الشاعر احيانا انه يغير تغيير بسيط في تركيب الكلمه او الجمله , بشرط وضوح الهدف.
وخامسا ,, قالوا ان الليالي ما تلين.. ليلهٍ ماعرفنا غيبها؟؟؟ الشطر الاول ليالي بعدين ليله؟؟ طيب وش المشكله؟
وأخيرا وليس آخرا..نعم انا شاعر ولي اسم.
وانا هنا لا ادافع عن مشعل ولا انا ضدك ,, ولكن من باب التوضيح,,, ومن باب الغيره الشعريه.
وشكرا للجميع.
24-07-2007, 08:35 PM
العرض العادي
