اقتنعنا ،، واغلقت بيبانها النفس المعيفه لـ ابعاد التركي

[قبلة العذارى]

السلام على من اتبع الهدى


واسعد الله اوقاتكم بكل خير



اعتذر عن غيابي الفتره الاخيره عن هذا القسم ، واقدم لكم هذه المشاركه آمله ان تنال على استحسان ذائقتكم وتبرر فترة غيابي


اخليكم مع قصيده لشاعره تعجز الحروف عن وصف ابداعها وهي (( ابــــعاد التـــركــي ))

ياهجوسى كـل ماصديـت بـك جيتـي كليفـة=وارتويتي جرحي النـازف ،، وجددتـي صوابـه
هـودي ما فالحنايـا درب ،، والرحلـه مخيـفـة=النهـار اقفـى سنـا ضـوة ،، وعدّتنـي ركـابـه
لا تمنينـي سـراب الـلال ،، وعيونـي كفيـفـه=ولا تسوقيني على اصعب جرح ،، وجروحي تشابه
مابقـا فـي قلبـي الملتـاع واحـاتٍٍ مريفـة=ذبلت اغصونه على مافيـه ،، والحـزن التوابـه
اشهد ان في خافقـي مـن دورة الايـام خيفـة=وبي من طعون الزمن ،، شدّه ،، وردة ،، وانقلابـه
وكل جـرح لاعنـي بـردة ،، وشتتنـي خريفـة=تحرق ضلوعـي ،، مشاهيبـة وتطعنـي احرابـه
وكل طاروقٍ من الفرقا ،، سقـا نبضـى نزيفـه=والله انه من وجع قلب الحزين ،، ومـن مصابـه
ياهجوسى مالطيـف الامـس قلـبٍ يستضيفـه=الزمان اللي غدا فـي سالـف ايامـي غدابـه
والمقفي لـه فجـوج القـاع ينصفهـا نصيفـه=لو تطاولت الظما والله ما اشرب مـن شرابـه
النوايـا عنـد رب البيـت ،، والـذمـة نظيـفـه=والله اللـي قـدّر المكتـوب للعبـد ،، ورضابـه
اقتنعنـا ،، واغلقـت بيبانهـا النـفـس المعيـفـة=وانطوت في ليل هاجـوس المعنّـا ،، واغترابـه
وان سريتك ياهجوسى درب والخطوة ضعيفـة=وادعيني نجم في عرض السما ،، ولاّسحابـة
واوصليني (نجد) واخذيني على الـدار المنيفـة=ديرةٍ هي (حبـي الاول) ،، وهـي وصـل وقرابـه
الرسـوم الـلي عليهـا وجـد خفاقـي ،، وريفـة=تنبت اعروق الحيا فـي خافقـي ،، وتفـك بابـه
الفيافـي ،،والفضـا ،، والنـود ،، والبـرق ،، ورفيفـة=والمعـزة ،، والكـرم ،، والجـود ،، وسيـاج المهابـة
وامهليني لين اسرّي عبـرة النفـس الصخيفـة=وانثر المكنون في سفح المكان ،، وفـي هضابـه
والله يسامحـك يادمـعٍ مـن عروقـي نزيفـه=والله يسامح حضور الجرح ،، ويسامـح غيابـه

وبس


سلام