انا شاعرٍ ماقد تمدن مع التمدين = يقزي هواجيسه مع النود لا هبه

[(هاوي قصيد)]

مسا الخير

متواضعه لتواصل راجي ان تنال على استحسانكم ,,,

الا يا وليفٍ فيه رقه وحكيه زين = ترفق على اللي جاري البعد عذبه

انا ابغيك لكن وين دربك ودربي وين = حرام الذي يعشق وليفه ولا نبه

يابو وصف عينٍ كنها الفارق الشاهين = تنفض جناحينه على مقدم الشبه

ويابو عودٍ اعزل دق خصره طغا الردفين = فلا هيب لا عصلا ولا هيب بدبه

جروحي من اسبابه تولابها السكين = ولا فادها الطباب ماوافقه طبه

لكن ياغرام اشهور او ياغرام اسنين = تحقق لك المطلوب يامدور السبه

وانا شاعرٍ ماقد تمدن مع التمدين = يقزي هواجيسه مع النود لا هبه

بصك الملف واسج مع سجة السالين = علشان يا لعاب تنسى تلاعبه

بعد حرة التسعين تطرب مع الالفين =مثل فالحياه ولا بقا حب ومحبه

وسلامتكم