من حد نجرانٍ إليا حد تكــــــريت

[عـشـق بـدوي]

السلام عليكم ورحمة الله وبركاته

مساكم الله بالخير / صبحكم الله بالخير

اليوم جايب لكم قصيده في رفيق لي وابي اسمعكم اياها وابي آرائكم

اقول

ياصـــــــــــــــــاحبي طول علينا غيابك ،،،،، طالت علينا غيبتك وانــــــــــــت ماجيت

بنشدك وش حــــالك وش اللي اصابك ،،،،، وش صار لك ياذايع الاســــــم والصيت

يامحمد الغازي عـــــــــــــلامك ومابك ،،،،، وشفيك عنا يابيض الوجه صــــــــــديت

تصد عن واحد يرحب هــــــــــــــلا بك ،،،،، في جيتك ويدعي لـــــــــك الله الا اقفيت

ولامنك عاتبته تحــــــــــــــــمل عتابك ،،،،، ويعاتبك لامن تماديت واخـــــــــــــــطيت

ولامن مرضت فليل وده ســــــــــرابك ،،،،، يفرح الا منك سلمت وتعافــــــــــــــــيت

هذا هو اللي ينفعك فـــــــــــــي شبابك ،،،،، تبشر بعزك لانـــــــــتـــهضت وتعزويت

ولامن بياض الشيب طـــــــال وتشابك ،،،،، واليا سفهوك النـــــــــاس لامنك ناديت

انصه وتسمع ياهلا مرحبـــــــــــــا بك ،،،،، يامرحبا بك فاي حزه وتـــــــــــــــوقيت

ولامت هو اللي بيحـــــــــــــــمل ترابك ،،،،، بيقول ليته حي وياليتني مـــــــــــــــيت

اللي حصل واللي جرا لك وصـــــــابك ،،،،، بيصيبني لاكن مادمـــــــــــــــت خاويت

خاويت رجلن مــــــــــثل حضرة جنابك ،،،،، تفزع معي في وجه كل الـــــــطواغيت

جميع خلق الله تخـــــــــــــــاف وتهابك ،،،،، حتى الجنون الزرق حتى الـــــعفاريت

مافيه شيءٍ شين يالـــــــــــــقرم عابك ،،،،، لانك على العليا وعلى الطــــيب ربيت

انا اشهد انك رجل كــــــــــــــلن حكابك ،،،،، من حد نجرانٍ إليا حد تكــــــــــــــريت

واللي سكن مكه وجـــــــــــــوده درابك ،،،،، ولامن سمع طاريك بيقول حيــــــــيت

مشيت من بابي إلى حـــــــــــــــــد بابك ،،،،، وفي خاطري بيت وبسمعك هالــــبيت

الحمد لله والفضل ..لـــــــــــــه اتى بك ،،،،، وخلاني اخاويك ياطـــــــــــيب الصيت
وسلامتكم اتمنى انها تعجبكم

اخيكم / محمد بن ظافر بن محمد الشامري