قصيدة راكان بن حثلين

[مبارك معضد ال خرصان]

قصيده لراكان بن حثلين

يابو هلا طير الهوى خبث البال* الطير نزر والحباري قليله

يالله ياللي طالبه مابعد فــــــال* ياللي من الضيقات ينجي دخيله

افرج لمن قلبه غدا فيه وولوال* والنوم ماجاء عينه الا قليله

لمن ذكرت رموس عصر لنا زال* شوف الفياض وفقد عز الجديله

يازين شدتهم اليا زوع البال* يتلون براق تلــــــــــلا مخـــيلـــه

يتلون براق سمر عقب الامحال* تلقى التريبي فليض غب سيله

يسقي خسيفاء والثمان ارضه نسال* مرتعا لمعطرت السيوف الصقيله

ومن جو ساقان اليا السِيف همال* وينوش حسنا والرديفه هميله

فنقاجنا مــــــن يمة الــــقفر خيال* يصبح شديد عــــــــــدل رحــــــيلــه

قاد السلف واستجنبوا كل مشوال* والعصر ياما حلا تخبط نزيله

فن شرف البادي على روس الاجذال* كنز الزول محمي جثيله

تكافخت بطبولها شهب الاجيال* ومن ضيع المفتاح واعزتيله

وركبوا على طوعاتهم كل عيال* كل ابرج يحري بكسب النثيله

وتغاتموا المفزاع ذربين الافعال* من قبل سبق غارة تنثنيله

يبغون طوعة روس الاحمال* تغانموا خلق كثير هجيله

وحال الكميم من دون عطرات الاجهال* ومروا ولحقوا مقحمين الدبيله

واللي تثنوا عقبهم يلبس الشال* ومن صنع داود دروع ثقيله

لزم عليهم علة عقب الانهال* ومن غارته يضيع دليله

والدم من قحص الرمك يثعل اثعال* يزعج على وروك السبايا ويشيله

هاذيك راعيها من المعرفه مال* وهاذي شكلها مطرق ماتشيله

من وقعت لمقرنس قد له افعال* وفروخ صادن الحباري فصيله

ومن عقب ذا ياماحلا شرب فنجال* في مجلس مافيه نفس ثقيله

هذا ولد عــم وهذا ولــد خـــــال* وهـــذا رفيق مالقينـــا مثيله

ياليت رجــــال يـــبدل بــرجــال* وياليت في بدل الرجاجيل حيله

وليا ركبنا فوق عجلات الازوال* وبيمانا حدب سيوف صقيله

ماحن بنحسب لشتبك عج وقتال* وترك صبي يقتنع بالفشيله

وصلاة ربي عد مازايل زال* على النبي الحق راعي الفضيله