اثقــــل زيـارة لك ليا جــات ضيــقتك :::: تبغـــي الفـرح بس الفرح منت طايلـــه

[سعد بن سريّع]

اعود بعد غياب ليس بطويل في مدته ولكن طويل
في لحظات الاشتياق لكم اعتذر عن الغياب ولكن
للظروف احكـــام وللغـــايب عذر ..

اترككم مع آخر الكتابات اتمنى ان تصــل الى قلوبكم ..

من يسجع الألحان والهم طايله = من يبتسم والوقت شحت مخايله
احتار فبروق ٍ تسابق رعودها = ومزونها من مدة الخير حايله
يا ذالسحاب اللي تزبر ركايبه = لا خاطره ضايق ولا العين سايله
يشوفه الضامي وإلا شافه اشتكى = واقبل يواسي كل ضلع ومسايله
يتبع صدى ورقًا تغني من الوجع = كن الزمن ما حسّها من هوايله
لا غردت من فوق غصن ٍ يضمها = شفت الغصن لحن التناهيد شايله
يمرّه الغربي مع ضيقة النسم = ثم ينتعش ورده وتلعب خمايله
اجر عيني فالفضا ليت ذالفضا = يسرق عناها يوم عيني تخايله
لعل رسمات الفضا تعطي العبر =واخذ من دروس الزمان ومثايله
كم كبد يحرقها قريب ٍ يودها = ما يدري بمسيمه ولا عمايله
يصون كياته قريب ٍ على العهد = ما علّمه في كية ٍ من سلايله
يضمّها تكبر مع جروح خاطره = واليا طرت ما عدّها من خصايله
يمكن ليامن جيت في نفس ماقفه = يبين في وجهه بقايا وفاي له
ثوبي على عيوبي حجاب ٍ على لهب = يحول من ريــح ٍ تضوي فتايله
وساق ٍ لدرب الخير دايم تحثني = يا طيبها لو كان عرجا ومايله
مومن بأن الوقت لو شان وانتحى = ياتي علينا يوم نذكر جمايله
وادري بان الجرح لو زار صاحبه = ما ينشده يا جرح : " ويش انت جاي له "
اقدره واكرمه من قدر صاحبه = ولا يقــال القلب قلت نفــايله
اخص جرحي منك يا وارث الحشا = يزورني جرحه وتقطع رسايله
اثقل زيارة لك ليا جات ضيقتك = تبغي الفرح بس الفرح منت طايله

مع تحيات الغناوي ,,