القلب يصبر على فرقاه لكنه ... لـ حمدان المري

[قبلة العذارى]

السلام عليكم ورحمة الله وبركاته على من اتبع سنة نبيّه


واسعد الله اوقاتكم بكل خير


درّه للمبدع / حمدان المري .. عسى ان تنال على رضى ذائقتكم


صلوا على النبي ...

ياهاجسي غن طاروق الشعر غنّه=إلحق على مابقى والا العمر فاني
وياصدري اصبر مثل صبري على الونّه=ياطول صبرك علىّ .. وشين ماجاني
يلج فيك الحزن .. واخفيه واكنّه=واذا بغيت اشتكي ماطاوع لساني
وانا الذي لو ظروف الوقت حدنّه=يموت مايشتكي لفلان وفلاني
من سبة اللي عشقته من صغر سنّه=اتناه يكبر .. مثل ماكان يتناني
كنه خِلِق مني .. وكني بعد منّه=والله مدري من اللي يموت في الثاني
ابيه .. وأقدّره .. واغليه واحنّه=مثل ماهو يرخص الدنيا على شاني
كم واحدٍ ماغدت بقعا على ظنّه=لو هو على الكيف ماقفى وخلاني
مابغى من الحظ والله ماعطى منّه=ياما تمنيته .. وياما تمناني
يسوقني خافقي للوصل واعنّه=ولولا غلا صاحبي ماكان عناني
امن اولٍ يزورني محدٍ درى عنّه=واليوم عذره بلاي عيال عماني
يابو علي صار لامن مرني كنّه=يستعجل بخطوته لجل يتعداني
واجيه واقدامي اللي كل ماجنّه=يردها سلم ابوي وسلم جداني
العين في شوفته لامر ممتنّه=ياجعل يسقى عليّ قدام يجفاني
الهجر طوّل .. وقدني مبطيٍ منّه=واخاف اذا زيد .. جا ماعاد يلقاني
القلب يصبر على فرقاه .. لكنّه:=الا طرالي وانا في الليل سراني
ان كنت انا غاليٍ في ناظره .. فإنّه:=غلاه يجري مع دمي .. وشرياني
لاصار مابه عشم لبليس في الجنّه=احسن ليّ اعيش باقي العمر وحداني
ولو سج مني .. عساني ماخلى منّه=والله مانساه .. كود الموت ينساني

وبس وسلامو عليكم