سخاف القلوب جروحهاا مالها جراح=لولا نبضهـا وأحسـاسها مالها خـانه ( قمــة التمكــّن )

[فــلاح]

الســـلام عليــكم ورحمــة الله وبــركـــــاته

جلبــت لكم من بحــر الشعـر درهّ بمعانيهــا وحكمتهــاا وجمالهــاا ،،

لــ / شــاعر المميــّز : فـــلاح محمد القرقــــااح ..

هـذي القصيــده كتبهــاا عنـد ما أرسـلت أحـد البنــاات لـه عـبر أحد الأشخــاص ..


أترككم مع القصيـــده ..

يابنت القمـر ونجومه أقرب من القرقااح=غلطـانه عسى الله يرحم الحال غلطانه

ترا ماني بطـير ً يحوّل على الملــواح=كنـي داريً ، ويش اتصالس على شـانه

سخاف القلوب جروحهاا مالها جراح=لولا نبضهـا وأحسـاسها مالها خـانه

أنا أحرص امن القنــاص ، وأصبر امن الفـّلاح=وشبعانـة ً بالغبـن تسبدي ورويـانه

علي والله إنس مثل (نوره) ومثـل (أفراح)=جعلس فدوة اللي لا عطى العهـد ماخـانه

عرفت الهوى الله لا يعوده ورحت وراح=مراح القطـا اللي نشـّر أطراف جنحـانه

ودونه قفلت القلب بالقفل والمفــتاح=رميتــه بحــر من خـوفت الله سبحــانه

أبي رأس مالي عقب أفلــست من الأرباح=ومحاجر عيوني بـأزرق الدمع غرقـانه

وعيـن ً تكحلهـا دموع الندم ترتــاح=لو تظهر عليهاا نجمـة الصبــح سهــرانه

حسافـه على المسرى ، وحسـره على المسراح=(وجودي وجود اللي فقـد خيرة أخـوانه)

ياليـت الزمـن طيرً يحـوّل على الملــواح=أردهّ ولا أدري ويش أردّه على شـــانه

لـ / فلاح القرقــاح




سامحوني على القصــور


طويـــــق