أقول لك وبصدق ينزف حســافه =( كبـير لكن الزمن ماعــرف لي ) ..( أبـداااااااااع )

[بــ ــــــــرق]

السلام عليكم و رحمة الله و بركاته



قصيده لـ / شاعر مبدع و لا يكتب إلا الأبداع





بين ايديكم
.
.
.
.
.

وآخر خضار العمر لآول جفافه=سلم ثلاثين التعب واعترف لي

الشيب لاح ..وكل عمر وضفافه=وأخذت اعيد اللي مضى وانعزف لي

لحنٍ كسى كل الضلوع ارتجافه=مثل العتب ( ليه التعب ماخلف لي )

رفيق عمري....عمري وصرت أخافه=ولا بقى غيرك طموح وشرف لي !

محتاج لك خل العـتـب والـكلافه=يكفي عتب حالي لحالي وشف لي

من صوتك الدافي حنان ولــطافه=محتاج أحس ان الزمان انتصف لي

ولاتلحق دمــوعـك عليً بحــسافه=لا صـار قـدري قد مايــنذرف لي

في غيبتك ...تزداد الاشياء صلافه=في غيبـــتك ياكثر ماينــكشف لي

وأزيد انا حزن..وهموم..ونحافه=وآقف على جـال التــعب وأغرف لي

يابوح شـعري يابعد نبـض قافه=من غير ماأحلف لك ولاانت تحلف لي

الذنب ماهو ذنب بعد ومســافه=ولاهو بذنب اللي هقيته وقـــف لي

كذا الزمان اللي سـمانه عجافه=وان قلت لي حاول بعد واعترف لي

أقول لك وبصدق ينزف حســافه =( كبـير لكن الزمن ماعــرف لي )

لـ / محمد الحويماني



تقبلوا تحياتي


بــ ـــــــــــــرق