الله يسامح وقتنا بفعلته ذيّ .. مصافحه اولى في صدى المشاعر :)

[قبلة العذارى]

السلام عليكم ورحمة الله وبركاته



صباحكم / مساكم .. خير



بصراحه كان ودي اشارك في هذا القسم اللي يضم العديد من الشعراء المبدعين ولكني ترددت ..


واشكر اختي نجلا النواعس على تشجيعها لي اني اشارك


مصافحه اولى .. وعسى ان تكون قد المقام وترضي ذائقتكم الشعريه

\
/
\

شاش الفكر .. والجرح بيّح كنيني=وطرت طواري مبطيّه حيل ياميّ
سرحت .. وطيوف الغلا تعتريني=وحنت مشاعر ضاميه .. تطلب الريّ
انا شسوي لاذبحني حنيني=واشواق تطوي خافقي من الوله .. طيّ
غير الصور .. والذكريات .. وونيني=مالي سبيل يهدي الضيقه شويّ
واللي هقيته في زماني عويني=لاشتد لاهب وقتنا .. صارلي فيّ
لاجيت ابشكي .. لين هو يحتريني=يمسح دموعٍ تندفق .. دون ما ادريّ
قفت به الاقدار .. وينه وويني ؟=الله واكبر عقب ذاك الهوى الغيّ
حال الفراق المر بينه وبيني=واصبحت مثل اللي ( توفى وهو حيّ)
ومات الطموح اللي رجيت بسنيني=واحلام راحت .. مابقى منها شيّ
واهداب تشكي من قسى دمع عيني=وجروح حيّه .. مايعالجها الكيّ
وشلون ابسلى .. والحزن يحتويني=وظروف ضدي .. قاسيه ماهي في يديّ
الله يعوض مامضى من سنيني=والله يسامح وقتنا بفعلته ذيّ

وســــلاامتكم


تبقون بحفظ الله ورعايته