ليتك رحلت ولا اختلفت .. وليت ما وقتى حدا لـ ابعاد التركي :)

[قبلة العذارى]

ســلام عليكم .. واسعد الله اوقاتكم بكل خير


كـل عـام وانتوا بخير .. ومبــارك عليـكم الشهر مقدماً


للتواصل مع ذائقتكم .. درّه للمبدعه / ابعاد التركي .. اخليكم معها


\
/
\

عدّيت عن صدر الهجوس .. وشفتني باخر مدا=تفنى سنيني .. وادري انى مامشيتك يالضياع

هذا انت يالى كل ماراحت بك ادروبك سدا=وش بك ؟ ترد الصدق يومك ماقدرت المستطاع

ثبّت عقالك .. وانتهض ياهيه عن وجه الردا=ماني وانا بنت الشجاع .. ارضى باقل من الشجاع

لاصار ماله فالمجالس ذكر .. ونعوم .. وندا=عز الله انى مالتفت للتبع .. واصوات الرعاع

مادامت عيوني .. وخفّاقي على الدرب جهدا=أقسمت باني عن حدود القاع .. في مد ارتفاع

وان عدت ماتفهم مضامين الخبر .. والمبتدا=ضم البحر في وسط عينك .. واطلق ايامك شراع

كم كنت اثور من الشجاعه والحميّه .. واهدا=لاشفت كيف الكثرة تغيّر موازين الصراع ؟

ليتك رحلت ولا اختلفت .. وليت ما وقتي حدا=وليت السنين الغابرات تكف عن ذنب الوداع

الشمس ذبح الليل .. والريح انكسارات الصدا=ولولا انعتاق الصبح ماكانت محادير الشعاع

ولوعذرك الواهي حكا للصمت .. والشادي شدا=مشيت دربك يارفيع القدر ماجاك انهزاع

وان قلت يالبّا عيونك .. وش اسوق من الفدا؟=جزمت باني ماطلبتك شي .. وان مثلي يطاع

:
:


وتمت .. سي يوو افري بدي