تواصل & جديد شاعرنا
سعود بن مهدي ...
شيعوا الجثمان .. واعلنت الحداد = والبقى .. بعروق قلب ٍ مايهون
طارت الأحلام مع سرب الجراد = وصرت اعيش بكون والعالم بكون
كنت عاقل ؟ بس يوم العقل زاد = صرت اشوف العقل مرآة الجنون
قال ليه الناس زادتك ببعاد = قلت : لنهم في الشدايد مايجون
ماني بمكلوف في كل العباد = كيفهم يرضون ولايزعلون
قال : ويش اللي جنيت من الحصاد = قلت : منه ماجنيت الا الديون
قال : وين اللي تبيهم ! .. وانت جاد = قلت : راحو .. جعلهم مايرجعون
غلطتي عطيتهم كل الوداد = لعنبوهم غير قلبي !! وش يبون ؟؟
قلت له : تدري وش ؟ .. الشي الوكاد = صعب تلقى انسان .. وافي مايخون
قال : أشوف بدمعتك ! .. لون ( السواد ) ؟ = قلت : ذي ( عيني ) ؟ .. ماهو بدمع العيون
( انعمت ) من كثر دمعي .. والسهاد = وانهمل ( سوادها ) .. مثل المزون