الـسـلام عـلـيـكـم ورحـمـة الله وبـركـاتـه..
الـقـصـيـده رد عـلـى الـمـدعـو..بـن جـبـران..
وهـي واضـحـه ولايـحـتـاج فـك شـفـرات...
:
حسبي على جور الزمن وان حدانا = وسوى من الممنوع قصه مثيره
وجانا الضعيف اللي بنفسه بلانا = وخلا الصغيره وابتلش فالكبيره
وجاب السوالف دون شرح وضمانا = وخلا العرب تبحث اخلاف الصغيره
قال المناعير اشهدو في لقانا = يوم ألتقينا في رضا والنقيره
( صحيح.. لكن زدتها من ورانا ) = كذاب ومنافق وعينك ضريره
وقول الصحيح !! انقول والله يرانا !! = جيناك يوم ان الطمع فالجزيره
جينا طمع ! نبغي الغنايم عشانا = شجعان فطره ضد قوم'ن كثيره
( جينا اربعين ) وماتلفت حدانا = وقلنا غنات الذيب ولا مصيره
ومتنا جميع ولا يعيش الجبانا = ممات ذيب'ن مارضى بالكسيره
و لو انها بجموع ! شفتو غثانا = ياوجد حالي يالجموع الغفيره
حنا مع العدوان تطحن رحانا = وخيولنا تنطح خيولن مغيره
وسيوفنا تروي ويروي ضمانا = يوم انت سيفك خامد'ن في جفيره
ومبطي وربعك تلتجي في ذرانا = وانشد بني عمك وشيخ العشيره
اخطيت يوم انك تعمد خطانا = اخطيت لكن كل غلطه بخيره
اقولها والشيخ قال وكفانا = ( الهرج يكفي صامله عن كثيره )
وسـلامـتـكـم..
عـبـدالله بـن سـعـيـد آل نـاشـره الـعـجـمـي
06-01-2009, 06:15 PM
العرض الشجري