مدام انش تغيرتي .. فلا لش بي ولا لي بش

[بنت الزعبي ..]

بسم الله الرحمن الرحيم



السلام عليكم ورحمة الله وبركاته





الا يااللي خذش وقت القصى ... من خافقـي .. لِـدَي
خلي وخافقـي مرتـاح .. قبـل الوقـت يقفـي بـش
وقفتي .. والزمن .. والناس .. وشيطان الهوى ضـدي
وانـا اعرفـش ولاتجهلنـي اطباعـش واساليـبـش
انـا لـو تجتمـع كـل العـرب .. مابيحـت سـدي
أعني خطوتش .. مـن نظـرة الضرغـام وآجيبـش
وقفتـي .. منتـي بكفـوٍ لوقوفـش لــي ولا نــدي
غلطتـي .. تحسـب انـي لعـوبٍ مـن ملاعيـبـش
ترى ماهوب حظـش لاوصلـت مـن الزعـل حـدي
لاسويبـش سـواتٍ مـن قبـل لاقــول اسويـبـش
اعاند مـن يعاندنـي .. ومزحـي مـن ورى جـدي
ولا اخطيتي .. وأسأتي لي .. ضحكت وقلت .. ياطيبش
واعـذرش واتعـذر لـش .. بعـذرٍ مـاهـوب ودي
على شـان اقهـر العـذاال فـي حبـش واماريبـش
والى قالوا .. عليك اخطت .. اقول انـه علـى كبـدي
عسل والا احلى منه .. واكذَب مـن حكـى لـي بـش
سواتـش تفـرح الحاسـد ..ويقـتـل عـاذلـي ردي
واقول ادري بعلومش لـه .. لـو ان مانـي بداريبـش
يوم انش كـل ماغبتـي حـدر دمعـي علـى خـدي
اهوجس بـش والـى منـي غفيـت افـز اهذريبـش
هذاك اول .. وهـذا اليـوم مـدش حـاز مـن مـدي
تغيرتـي علـي حتـى بسلامـش لـي وترحيـبـش
تزايدتـي فـي صـدش ثـم شكيتـي عاذلـي صـدي
بديتـي فــي عذاريـبـي ولاشفـتـي عذاريـبـش
من اولٍ كان ودي بـش واحبـش حـب مـن جـدي
ومدام انش تغيرتي .. فـلا لـش بـي ولا لـي بـش
اهـل لبنـان الـى قالـوا .. وحـيـاة الله مـابـدي
بقولتنا .. عسى الله مايردش ويـش انـا ابغـي بـش









لــ شـاعـــر الجزالـــــه والابداااع الشـاعــر / حمـــدااان المـــري