راعيه السيكل

[عاشقه الحزن]

السلام عليكم
في سنه 1984 كنا مسافرين لقبرص
وكانت رحلتنا من اروع الرحل اللي مستحيل انساها بحياتي
المهم
كنا امأجرين بيت وجدام البيت كانت في وحده تبيع البرد وكنت كل شوي رايحه وراده على هالبرد
وكنت كل ما اروح اشوف وحده راكبه سيكل وكانت هي اكبر مني تقريبا 10 سنوات وانا كان عمري في هذاك الوقت تقريبا 5 سنوات
المهم كنت حيل معجبه فيها لانها كانت شاطره بسياقه السيكل وكنت اتمنى اني اركب السيكل ومر كم يوم وانا كل يوم اراقبها واشوفها وهي تسوق
وبصراحه
ماعاد اتحمل الا ابي اركب السيكل اللي هي تسوقه بس المشكله اشلون افهمها ان ابي اركب معاها السيكل
لما قربت منها انا عبالي اجنبيه اطلعت فلسطينيه وستانست حييييييييل عشان اقدر اتفاهم معاها المهم قلتلها ابيش اتركبيني السيكل ووافقت البنت على طول وصارت كل يوم تجي والعب معاها واركب السكل
في يوم من الايام قلتها ابيش اتسوقين حيييييل وتوديني بعيد وترديني
قالت اوكي
المشكله ان كان ابوي يقعد مع ربعه في دكه بره البيت ( تخيلو حتى هناك في دكات ودوانيات وعزايم)المهم من كثر الوناسه اللي انا فيها نسيت ان ابوي يقعد بره بالدكه فركبت السيكل معاها وفشقنا بسرعه جنونيه وتمر ملعونه الخير قدام بيتنا ويقولون ربع ابوي لعنبو ذا البنت مخبل سواقتها مع هالبنت الصغيره اللي والله لطاحت راح التقطع
المهم يوم ركز ابوي شوي قال حق الرياجيل اللي عنده امحق هذي بنتي اللي معاها ويقوم ابوي يركض ورانا والرياجيل كلهم معاه ويقعد ابوي يناديني وانا من السرعه والعوابه اللي فيني ماسمعته وتعب وقعد ابوي يضرب بايده عباله ان اخطفوني(بعد عمري يحبني حيييل)
المهم من ةالسرعه طاح تكرمون واحد من انعالي ووقفنا اندور انعالي عشان امي ما اتخانقني وما كنت ادري ان ابوي ناطرني على نار ومزهبلي هديه
فقعدت ادور وانا خايفه وما لقيته ورديت بنعال واحد والثاني ضايع ووصلنا عند البيت ونزلت وسلم على صديقتي وانا ماسكه النعال بيدي والتفت واقول حق ابوي وهو جايني من بعيد واقوله
يبا واحد من انعالي ضاع وابيك تشتريلي جديد عشان امي ما اتخانقني
ويوم انه قرب مني كانت عيونه حمراااااااااااااااااااااااااااااااا كله شرار (قسما بالله احس كني اشوفها الحين) ويعطيني هذاك الكف اللي يحبه قلبكم اللي سوالي ارتجاج بالمخ _مع اني ماسويت شي عشان ابوي يعصب
ومن بعدها حرمت ما عاد اشتري البرد عشان ما اشوف راعيه السيكل
ومن كذا اعتبرها احلى رحله اللي مستحيل انسها بسبب طراق ابوي