نايف الله يعطيك العافيه
اولا انا ان شاءالله ماضليت الطريق انا اتكلم بالواقع
انا ادري ان الحكومه حكومة حراميه وهذا ماعليه غبار
لكن ابي مطالبات جاده من الاعضاء لأن الناس ملت من الاقتراح برغبه والاقتراح بقانون
عشان بعدين يحطونها بكتيب ويقولون شوفوا انجازاتنا هذا الشي شبعنا منه نبي تفعيل الدور التشريعي مثل مايفعلون الدور الرقابي واذا كانت الحكومه هي اللي معطله التنميه
ابي واحد من اعضاءانا الشرفاء اللي شادين الظهر فيهم يوقف بوجه الحكومه ع هالنقطه
يانايف كم استجواب صار بالمجالس السابقه وهذا استجواب بالمجلس الحالي عطني استجواب واحد في واحد من محاوره ذكر كلمه واحده عن تعطيل التنميه
انا مؤيد لأستجواب مسلم وكنت اتمنى ان شيكات الحكومه وزيادة غلة قبول الضباط وتخليص المعاملات المستعصيه ماتعمي عيون اغلب النواب في جلسة طرح الثقه ولكن حصل ماكنا نتوقع وليس ماكنا نتمنى
وطلعنا من الأستجواب بلا حمص الملايين ومارجعت وراعي المناقصه مسافر يصيف بقيمة الصفقه
يعني مثل ماقلتلك يانايف لاطبنا ولاغدا الشر
الاعضاء اللي مع طرح الثقه بالوزير اليوم اثق فيهم ولكن تأكد تمام الثقه ان مصلحتهم اولا
وبعد مصالحهم ينظرون للوطن والمواطن
اخيك ابوخالد
01-07-2009, 03:56 PM
العرض العادي
