...{{ الفـــرقـــــا }}...

[الظبيه العنزي]

مدخل.,~,.~

معذور لو تقسى على القلب معذور
لا صار قلبـك مايعـرف المـوده
لو كان لك قلب به الـود مذكـور
ما كان تجفاني جزى الحب صـده
ارجيك ماتسمع رجايا ولا الشـور
كنك تبي عمري بهجـرك تهـده

رشوا على قبري من دموع عينه=لابد يندم كامل الزين وينوح

والله مابه شي بيني وبينه=إلا إني أغليه على النفس والروح

أضحك بوجهه وانتحب عن يمينه=وادرى سواتي مابها اليوم مصلوح

من جرب الفرقا عسى الله يعينه=والبعد ياخذ موجع القلب مجروح

اجزع على عمر مضى خابرينه=عمر مضى مابين سجات وامزوح

وين القلب اللي تحب وامينه=اللي تصون الحب من كل مفضوح

غصب على مثلي يبيح كنينه=انصك بابٍ للغلا كان مفتوح

ماعندكم إلا حطام السفينه=ولا تراني منتهي من عصر نوح

مخرج.,~,.~,

ليه تجرحني وتروينـي المهانـه ؟
وعقب موت القلب تنشدني عليه !!

وين قلبك؟! كنت محتاج لحنانـه
كنت اموت الفين مره قبـل اجيـه

وين حبك؟! يـوم تذبحنـي لعانـه
ماشفع يومي انـازع بيـن ايديـه

وين وعدك ليه ضيعـت الأمانـه؟
ضعت ياعمري.. وهذا اللـي تبيـه!!