أعذب واروع شيله للمبدع والمميز سعود الدلبحـي ( ياحمود ) ...

[شيخة قبيلتها]

السلام عليكم ورحمة الله وبركاته ...


أعذب واروع شيله للمبدع والمميز سعود الدلبحـي ( ياحمود ) ...

ياحمود انا لو قلت مهما قلت في وصفه وحبه في جماله للملا عيّا يزين=درب الشقا والهم كله في سنيني زاد والحسرة على قلبي بعد قامت تزيد

العين تذبح من نواله بالنظر لو قال انا فاهم وعارف في نظام العاشقين=والشعر مثل الليل والمبسم خطير اليا ضحك يمكن يضره وان لقيته يوم عيد

والخصر ناحل لو تبي بكفوفك الثنتين ضمه ما عسر مخفي وكنه ما يبين=والصدر فيه من الثمر خدِ حمر إليا تكلم ماتقول إلا على الهرجه جديد

اسمه بخمس حروف فيه الحرف ينزف عطره بريحان وفل ومعه ريح الياسمين=الحرف الأول بالفرح تلقاه دايم مايغيب عن البشر مايجهله غير البليد

والثاني رمزِ للكرم خيره على الأمه طغى ويعم سكان البلاد الحاضرين=مايكرهه غير البخيل اللي فقد كل المراجل ماكسب غير الدراهم له رصيد

والثالث بالشوق امتلا وسط البحر حاضر ولو انه قسى لابد له يومن يلين=الرابع احذر انتبه لاتهمله اليا قريته في رساله جايكم عبر البريد

والخامس ابنصف الشهر دايم دروبه واضحه ما تختفي لو اختفت طول السنين=هذي حروف اللي لها عامين عمري لاجلها يذوب قلبي مثل ماذاب الجليد

مع اطيب امنياتي للجميع ...