طريقةاللقيمات اللقيمات

[%الماسه%]

السلام عليكم ورحمة الله وبركاته



شلونكم حبايبي ..
جأيبه هالمره طريقة القيمات عشان الرمضان قرب اكثركم يحب القيمات انا اموت فيها اكلت المفضله :

المقادير القيمات:
2 كوب دقيق
2 ملعقة كبيرة حليب مجفف
2 النشا
1 ملعقة كبيره سكر
2 ملعقة صغيرة خميرة فورية
رشة ملح
¼ ملعقة صغيرة هيل ناعم
¼ ملعقة صغيرة زعفران
½ كوب المراعي
1 كوب ماء دافئ

الطريقة
اخلطى المقادير وخليها تخمر نص ساعه
بعدين عجنيها زيادة
وحمى الزيت
بعدين قصري عليه
ودهنى كف ايدج عدل
واخذى لج شويه بقبضة اليد وعصريها بالزيت بين الابهام والسبابه
وتطلع مدورة تهبل
اهم شى خلى الزيت نار هادية لين تخلصين صبتج بعدين خليها متوسطة
واللقيمات لا تقلبينها من اول شى لا نطري بو 4 دقايق
بعدين قلبيها عالوجه الثاني
لانج اذا قلبتيها من اول شى
تشرب وايد دهن وتصير لينه وبعد تفش
بس طريقى تصير يابسه مقرمشه من فوق ومن داخل لينه وهذا المطلوب
بعدين طلعيها وصفيها بالمشخال
وحطى عليها الشيرة بالباردة وهى حاره
ملاحظة
ديروا بالكم من النار لا تحرقكم عشان موتقولن الماسه ماقلتنا انتبهوا
طريقه الصب سهله
بلى كفك بالزيت وكانك تقبضين عليها بقبضة اليد وعصريها
كور بالزيت سيدة وديري بالج لا يطشر عليج الزيت وتحترقـــــــــــــــن كارثه انتبهي

مقادير الشيره:
4 اكواب سكر
2 كوب ماء
ربع كوب عسل
ربع كوب ماء ورد
رشه زعفران
رشه هيل
عصير ليمونه
رشه صبغ الزعفران ( مال العيش )
كل هالمجموعه اخلطيها عدل
بجدر بعدين خليها على نار هادية جدا لمده نص ساعه
وكل شوى حركى
كل عشر دقايق ..
بعدها صيبها فو ق القيمات بس ماعاد ماتبرد اشويه دافيه ..

بعدين خليها تبرد وعبيها في صحن كشخه بالهناء والعافيه
لما تأكلونها في رمضان لاتنسون تدعون للماسه