يقولون صدر الشمالي مايضيق بساع ** وانا اقول الصدور ماعادت شماليه
من رواائع الشاعر / خلف المشعان
اترككم مع قصيدته 
يقولون العرب صدر الشمالي مايضيـق بسـاع =وأنا أقول الصـدور اليـوم ماعـادت شماليـه
بدت في داخلي ضيقة عجزت القالهـا مطـلاع =تغيـب وترجـع وترجـع تغيـب ومالهـا نيـه
عمتني كلمة جتني وضقت وضاق صدر القـاع =ألا يالله لاتـجـزي غشـيـم قالـهـا فـيــه
لهو صفـاع ياربـي ولا هـو للعـرب نفـاع =بلاني وابتلـى حالـه وبعـض النـاس مبليـه
نهيتـه قبـل هالمـره يخلّـي سيرتـي ماطـاع =ألا يالعنبـو جـد القصيـد ولعـنبو بيـــه
ضعيف النفس نسونجي يشوف بعينـه الأطبـاع =يحسبنـي مثـل ربعـه يسـوق بضاعتـه ليـه
أنا أشري لا بغيت أشري ولاني مساوم البيـاع =ألامـن قالـي ميـه عطيتـه فوقـهـا مـيـه
أنا أكتب لاجل من يقرأ ولا أرجي من يقول ابداع =وأبـد لاتحسـب أن مثلـك يشكلـي أهمـيـه
وترى ياهيه لامني نويتك بـس أطـق اصبـاع =يجينـي ألـف شيطـان وراهـم ألـف جنيـه
أجرك من طرف حرفك وأرد الصاع مية صاع =جنون القاف أرقصهـا علـى راسـك هجائيـه
ياويلك لـو توليتـك وربـي المالـك الشفـاع =يجيك مـن القصيـد إحسـب ثلاثميـه ثلاثميـه
ولكن خلك بحالك مـادام إن الصـدور وسـاع =تـرى للحيـن ماضاقـت وللسّعـها شمالـيـه
وهذة هي القصيدة بالقائه
08-12-2005, 03:31 AM
العرض الشجري