يارب ثبتنـي علـى نهـج الصـراط المستقيـم=واغفر ذنوب اهل النفوس اللـي لوجهـك تايبـه
واجعل كتابي في يميني ، واكفني نـار الجحيـم=يـوم الفتـى ماينفعـه مـالـه ، ولا قرايـبـه
واجعل يميني للكريم ، اسبق مـن اكـرام اللئيـم=ولاتخلّـي مــدة يميـنـي لربـعـي غايـبـه
اللي مع ربعه فلَح ، ومنهـو بـلا ربعـه يتيـم=والرجل ماصفّـق ووحـده مـن يدينـه عايبـه
اما الضعيف اللي تردى في وفـا ربعـه سقيـم=مااهتـم بـه لـو كـان تقفـي للجفـا ركايبـه
لو كان في طرد المقفّي خير ، وافراح ، ونعيم..؟=ماكان شفت النفس مـن طـرد المقفّـي طايبـه
واللي على صكّات بقعـا والقـدر ماهـو حليـم=بيمـوت بالدنيـا وهــي ماحقـقـت طلايـبـه
والعالم اللـي تعتقـد ان فكرهـا فكـر الحكيـم=تبقى لهـا وجهـة نظـر ، ياخايبـه ، ياصايبـه
والحلم بالمجهود ، بعد الله ، عـدا حلـم العقيـم=حلمه على الله والظنـون اللـي بجهـده خايبـه
والآدمي مهما كبر فـي عالمـه واصبـح فهيـم=يبقى الصغير اللي تربـى تحـت طاعـة شايبـه
الكبر لله ، والتواضع دون شـك اجـره عظيـم=صاحبـه يُرفـع ، والولـي ياقـاه مـن عقايبـه
انا احمد الله واشكره ،المعطي ، الفـرد ، العليـم=اللي ليـا زادت جروحـي الكايـده ، دواي بـه
أعوذ من قهر الرجل ، واعوذ من كيـد الحريـم=واعوذ من شر القـدر ، واعـوذ مـن مصايبـه
للشاعـــر : حمود بن تميم الدوسري
22-04-2007, 09:47 AM
العرض الشجري