ريــــانة العــــــــــــــود .. مشاركتي الاولــــى .

[سلمان التركي]

من عام الأول يهزّ القلـب طاريهـا=ريانة العود عشقي وأجمل أحلاامـي
مركب غرامي تهادى فـي موانيهـا=اعشق بحرها واموت وقلبي الضامي
عقلي سببهـا وأنشهـد رايـحٍ فيهـا=لو ماتطوع يجيها غصب والزامـي
مرات اهوجس وأقول القلب ناسيهـا=وأثر المحبه تهزّ العرق وعظامـي
حالي شهدها ذبحنـي كيـف اخليهـا=محلى ثغرها ومحلى توتـه الشامـي
أحتار فكري ولا أدري ويش أسميها=أظلم حلاها وأنا أدري نورها سامـي
يم الثريـا تعلـتْ مــن معاليـهـا=أكبر من الوصف وصفي كله أوهامي
كنت أحسب أني رميت أهداف ناويها=لكن حسافه وقعـت بطلقـة الرامـي
صحيح من قال أعطْ القوس باريهـا=ترمي من العين رمح الموت وسهامي
صدق ابتلتني وأنا اللي مـن بلاويهـا=أرتاح وأسلا واشوف النور قدامـي
لا ماعليـه مـادام النفـس تغليهـا=هذي غلاها وشاح الروح ووسامـي
أجمل قصيده تغنـى فـي معانيهـا=بخت القوافي سرابه خـط الأقلامـي
وأجمل حكايه تغـلا عنـد راويهـا=تصحى بقلبي واقوم وغيرها نامـي
تسكن بصدري وضلع الشوق حاميها=من يدخل العوج يلقى ميسـمٍ حامـي
يفقـد غلاتـه ويطلـع مايساويهـا=عن غيرها القلب تاب وبالغلا صامي
هي منبع الشوق شوقي في حراويهـا=مهما نصحته يزيد بشـوق وهيامـي
حتى خيالـي تعنـى فـي مساعيهـا=دايم يهوجس وأشوفه بالفـرح دامـي
والله لخاطر وأبيع الـروح وارميهـا=عن باقة الورد حالف لاربط حزامي
أهدتني البعـد والحرمـان وأهديهـا=قلبي وروحي وصدق الشوق والهامي
عاشق تعلـق وقلبـه رايـحٍ فيهـا=لو ماتطوع يجيها غصب والزامـي

أخـــوكـــم

سلـــمــــ التركي ــــــان