من ذاق لذات الهوى بأول صباه ,, تكثر ليا طال العمر حسايفه .!

[بندر]

سلامُ عليكم .,

قصيده لشاعر مبدع وجزل ومظلوم إعلامياً , ياحبني له ولقصيده
.
.

مايطرب الهاجس ولايبحث خفاه=الا طواريقه براس النايفه
والحد مايمضي الين افتق شباه=ولايجيب الراس غير الكايفه
يدق هاجوسي معا دقة هواه=ويهيض حتى تنعسف عسايفه
لاحن رعاد المخايل من سماه=شرعت باب كنت قبل مسايفه
باب الغلا للي خذا عقلي حلاه=واشتقت لمحاكاه ولطرايفه
غديت من دون الخيال ومن وراه=واتعبت فكري في رسم وصايفه
لله دره زين خلق الله خذاه=لايابعد طوايفي طوايفه
من يوم شفته والهوى في مبتداه=حسيت بأن كني من اول شايفه
يرتع بروحي من خلاه وفي خلاه=بالي شتاه ومهجتي مصايفه
العين له صدر الشمالي لخوياه=والقلب له جو الجنوب و(طايفه)
واللي يزود داخل اعماقي غلاه=لاقام ينشد يحسب اني عايفه
وانا ربيعي لاخذت يدي يداه=ثم عانقت نحايفي نحايفه
ونسيت غربالي وهو همه نساه=وعشنا معا (تن)الغرام و(فايفه)
يضيع تركيزي واضيع الاتجاه=لاعظ بأسنانه طرف شفايفه
وانسى وش اسمي لاطرق سمعي حكاه=أحساسي وحواسي ولايفه
عرفه معرفني على معنى الحياه=تعددت في دنيتي وظايفه
يظيفني ماسنجره والا بلاه=نبضي بكرّيات دمي ظايفه
كم مرة قد سقت رجلي في نحاه=ماعودت من دون وصله خايفه
يفداه منحوت تناقله الرواه=ويفداه مطبوعه وشهره زايفه
ماراح اكيد انه خذاه اللي عطاه=على العظيم المقتدر خلايفه
من ذاق لذات الهوى بأول صباه=تكثر ليا طال العمر حسايفه

,
,
لـ عوض أبوفقايا