الســــــــــــــــلام عليـــــــــــــــــــــــكم
ورحمــــــــــــــــــــــــ الله وبركاته ــــــــــــــــــــــــــــــــــــــــة
يوم انتخابي يوتر الاعصاب .. ويحرجها !!!!
اخونا الشــــــــــــاعر / فهيد بن عصيدان
عنده بعض ما يقول 
السياسـه تتعـب اللـي يلاحقـهـا=ماعرفنـا غربهـا مــن مشارقـهـا
عاطفتنـا كـانـت أول ضحايـاهـا=نـاس تجمعهـا , ونـاسٍ تفرقهـا .!
وذالسنين النـاس ماهيـب مثـل أوّل=إختلـف صـادق نواهـا ومنطقهـا
ماعرفنـا مـن نصـدّق مـن العالـم=راح صادقـهـا وجـانـا منافقـهـا
كـلّ منبـر يدّعـي بإنّـه الصـادق=واللْه مانـدري مـن اللّـي نصدقهـا
ابتلشنـا فيـك ياللاعـب النـاشـي=خطّتـك قـد لـك سنيـنٍ تنسّقهـا
وأنت متسلّق علـى البـدو بالحيلـه=المتـون تمـيـل لــك وإتّسلقـهـا
تستغلّ إقلـوب نـاسٍ علـى الفطـره=ماتمـيـل متونـهـا الا لخالـقـهـا
بعْمـلاك اللّـي علـى ودّك وكيفـك=تختـرق صـف القبيلـه وتخرقـهـا
والقلايـص تِقْلَـص وتـدّي الطاعـه=وإتّلصمق فـي خطَطْـك وتلصمقهـا
ولحيـتـك ماهـيـب لله مربّيـهـا=مــرّةٍ تِـكـرم ومــرٍ تحلّقـهـا
بسّ في ذالعـام سلّـم علـى ربعـك=البـدو لـدّت بـك , وثـار بندقهـا
العقـول مفتّحـه والهـدف واحـد :=نمتحقهـا فـوق راسـك ونسحقهـا
حنْ ماحنْ بإخـوان , غيـر بديانتنـا=وكان قلت بغيرها ؟ قلت لك : سقها .!
العدس ماهـوب قسمـي ومقلاطـي=لاتـلـدّ بعـيـنـك ولاتبلّـقـهـا
بتّحـسّـر وإتّـذكّـر وعـايـدنـا=وتصطفق كفـك بكفّـك وتصفقهـا
غار لاضاقت بـك وقلّـت الحيلـه .؟=حدّ موسـك ل. اللّحيّـه وحلّقهـا .!
صح لســــــــــــانه ..
والبعض الباقي من القول ( مجاراه ) من :
الشـــــــــــاعر / ســــــــــــــــــداح
حيّ صوت ٍ يفتح أذنـي ويغلقهـا=لا ابتدا بشويش بشويش يطرقهـا
قمت ألدّ العين لـه وأتوّحـا لـه=رحت في خذها على هونك وذقها
يا فهيد بـن عصيـدان مقبولـه=الهديـه مـن جنابـك نوثّقـهـا
شاعر ٍ لا هجرس وجرّ طاروقـه=الجماهيـر أستمالـت ذوايقـهـا
شاف ما شفته وسجّـل تقاريـره=ساحة ٍ شانـت وبانـت حقايقهـا
البلـد فوقـه سحابـه رماديّـه=أكفنا يـا الله مـن شـرّ بارقهـا
انتخابـات وشعـارات مشحونـه=ومن شحنها للعرب قـام يطلقهـا
ذاك مع هذا .. وهـذاك بلحالـه=وذيك مع هاذي .. وهاذي تسابقها
فيهم اللي صورته داخل المسجـد=وفيهم اللي صورته داخل المقهى !
وفيهم اللي يشتري ذمـة الشلّـه=يدفع فلوسه .. ويآخـذ بطايقهـا
الحضر قامـت تشكّـل قوايمهـا=والبدو من صبـح رزّت بيارقهـا
والتّعنصر يـردح ويقـدح زنـاده=شبّ في كـل الدوايـر حرايقهـا
دربكه والكل يرقص على الدبكـه=مير ما الله يا بيض الوجه رازقها
بالمسجـات أشغلونـا وغثّـونـا=أمتلا الجـوال ماهـوب طايقهـا
لعنبـو حريـة ٍ مالهـا خـانـه=يا عسى شنّـاق صـدام يشنقهـا
كلها لعبـة مصالـح ومكشوفـه=نعرف العمّه ونعـرف طرايقهـا
كان تبغا الشور وتـدّور الراحـه=سوّ مثلي .. بالثلاثـه مطلّقهـا !
وصح لسان الدكتــــــــــــور !!
ودمتـــــــــــم
17-05-2008, 12:51 PM
الســــــــياسه ... بين خذ .. وهات ( فهيد بن عصيدان & ســــــــــــــــداح)!!
العرض الشجري