قطر تستضيف الدنماركي المسيء للرسول - الصفحة 3

على دروب الغانمين · #21 10-05-2009, 03:33 PM

اقتباس:

المشاركة الأصلية كتبت بواسطة حضريه عمها بدوي

لاحول ولاقوه الا بالله

ومااظن هالخبر صحيح وقطر دوله اسلاميه ولايمكن تستضيف هالحقير

ماشاءالله كل دوله ناجحه ولها شان ولها قدر وقيمه اقتصاديه في العالم لازم تهاجم وهيهات اي دوله توصل ماوصلت له قطر هذي الدوله الصغيره بمساحتها وعدد سكانها

وبما ان الخبر نشر وكلن قال اللي في خاطره عن قطر و تعتبرونها حريه اعلاميه من جهه اخرى

مشكور يالليمين دررر على نقل الخبر المنقول بصوره مشوهه لبلد اسلامي عربي خليجي اول من دافع عن رسولنا الكريم صلى الله عليه وسلم ودفع المبالغ الضخمه لانشاء الجمعيات التي تدافع عن الرسول صلى الله عليه وسلم وطباعه الكتب وتوزيعها للتعريف برسولنا الكريم بجميع اللغات .....

ييلمين در والا باقي الاعضاء لاارى اي مقال والا موضوع منكم في المنتدى تدافعون عن رسولنا الكريم والا حتى تسعون لتعريف الناس به وين دوركم في المنتدى والا حتى في محيط مجتمعكم ؟

اختي الغاليه والفاضله حضريه عمها بدوي

وانا بعد مثلش مستغرب من دوله مثل قطر تستضيف هذا الحقير الدنمركي

ونجاح قطر نجاح لنا كلنا في جميع المجالات واهل قطر اهلنا وربعنا

اختي انا نشرت الخبر مو من عندي كل الجرايد والمواقع ناشرته

وحشا لله ان افتري على اهل قطر او اي دوله اسلاميه او اطعن في احد

والخبر في القنوات الفضائيه

بس اقري رد المسئول القطر ي عندما سالوه قال(هذي حريه اعلام ..والنص كامل موجود في الموضوع)

ورد عليه عندنا في الكويت الطبطبائي وغيره (يعني الخبر صحيح )

وانا مستغرب من وزير الاعلام القطري وليسا من حكومه قطر او شعب قطر المحترمين الغالين علينا

اما بالنسبه لااتهامش لي اني ماادافع عن الرسول صلى الله عليه وسلم..الله العالم في النيات والاعمال ..ومشكوره على كلامش والتشكيك في نيتي واني اسعى الي الطعن في دوله قطر اللي احبها واحب اهلها

(ومهما فعلنا ودافعنا عن الرسول صلى الله عليه وسلم نبقى مقصرين )

ويكفي فخر اني كنت في ايام الغزو الغاشم على الكويت في قطر ولا حسيت اني غريب وماقصروا فينا انا واهلي اكرمونا وسكنا عندهم ببلاش وكل شي موفرينه لنا وماراح انسى موقفهم هذا طول حياتي معي اني صغير يوم الغزو بس للحين مانسيت جمايلهم علينا

والله ماارضى على اهل قطر بس مستغرب ليش يوافقون على استضافه هذا الحقير مثل ماتفضلتي

ولاهنتي على التعليق والمرور

على دروب الغانمين · #22 10-05-2009, 03:36 PM

اقتباس:

المشاركة الأصلية كتبت بواسطة ابوعابد

قطر دائماً مثيرة للجدل

انا مابي اتدخل في الي تسويه تستضيف او لا

لكن وصلني خبر ان شعب قطر الشريف غير راضي عن هذه الاستضافه

بيض الله وجهك يابوعابد
هذا اللي ابي اوصل له ان اهل قطر غير راضين عن هذي الاستضافه

لاهنت على المرور والتعليق

على دروب الغانمين · #23 10-05-2009, 03:51 PM

اقتباس:

المشاركة الأصلية كتبت بواسطة سنام الفخر

الحـــب لايـكفيه الـكلام او اي شي غيره
الحــب للنبي بـإفعالنا والحمدلله افعالنا تدل على حبنا له
ولايهمني اكتب في منتدى او في ايميل او او او او
اللي يهمني اني اعمل على حبه

كلام طيب ولاهنت

على دروب الغانمين · #24 10-05-2009, 03:55 PM

اقتباس:

المشاركة الأصلية كتبت بواسطة الـعـابـر

قطر دولة شقيقة
ولكن نسنتكر منها هذا الإستقبال المرفوض إسلامياً
( إلاّ رسول الله صلى الله عليه وسلم )

يامرحبا ومسهلا والله اني صادق يا مراقبنا الغالي العابر

وكلامك عين العقل

ويااخيك والله استنكر استضافته من دوله مثل دوله قطر الشقيقه

بس بعض الناس يحسبوني ابي اسيْ لقطر واهلها ..وهذا الكلام والله مادار في بالي
اني اسيْ لقطر او لغيرها

لاهنت على المرور الطيب

على دروب الغانمين · #25 10-05-2009, 03:56 PM

اقتباس:

المشاركة الأصلية كتبت بواسطة نـاصـر

من دون صهيون بذّتنا صهاينّا

لاهنت على المرور طال عمرك

على دروب الغانمين · #26 10-05-2009, 03:57 PM

اقتباس:

المشاركة الأصلية كتبت بواسطة اليساندرو

قطر اكبر من انها تستضيف هذا الخنزير

نتمنى ان يكون الخبر مجرد.. كلام جرايد

شكرا

اي والله ياليت الخبر مو صحيح واتمنى ذاك

ولاهنت على المرور

ناصر بن فالح · #27 10-05-2009, 04:00 PM

اذا كان الخبر صحيح

فاعتقد ان قطر

مثل الغراب اللي بغى يقلد مشيه الحمامه ولاعرف وبغى يرجع لمشيته وضيعهاا ..!!!

على دروب الغانمين · #28 10-05-2009, 04:04 PM

اقتباس:

المشاركة الأصلية كتبت بواسطة غلا البداوه

اخوي لليمين در

اشكرك عالموضوع

واتوقع من اللي بيردون عالموضوع ما يتكلمون عن قطر بالطريقه السيئه هذي لأن حنا بالنهاية دوله اسلاميه ومو شرط ان كل ما يحصل مرضينا

وحنا اللي بيدنا سويناه بارسال مسجات لخدمة العضيد للمساهمة في عدم استضافته ولكن محنا اقوى من الله

وبالنسبه لاخوي سنام الفخر كل هالشغلات اللي تهزيت بها متأكده مليون بالميه ان اهلك قد اشتغلوا بها ولا اظن انها مدعاة للسخريه

اختي حضرية وعمها بدوي .. شاكره لك كل الكلام اللي قلتيه وعز الله انك كفيتي ووفيتي نفداك

واطلب واتمنى من المشرفين ينتبهون لهالشغله ولا يسمحون للعالم اللي في قلبها شي علينا تخلي هالموضوع وسيلة للاساءة

وان كان هذا الشي مرضيهم .. فاسمحولي انسحب من منتداكم حتى ما اشوف مثل هالمشاحنات

تقبلوا مروري وتعليقي

تحياتي

اختكم/ غلا البداوه

اختي الفاضله :غلا البداوه

انا احب قطر واهلها بس الخبر يحز في الخاطر خصوصاً من دوله مثل قطر اكثر دوله دافعت على الرسول صلى الله عليه وسلم

والعتب على وزير الاعلام القطري فقط

وللعلم والله مافي قلبي شي على اهل قطر ..ولا تشككين في النوايا ..الله العالم بها

وانا ماجبت شي من عندي تابعي الاخبار وشوفي هو صدق ولا لا

وانا ماغلطت على اهل قطر قلت مستغرب من استضافته فقط في دوله مثل قطر

ولاهنتي على المرور والتعليق

على دروب الغانمين · #29 10-05-2009, 04:07 PM

اقتباس:

المشاركة الأصلية كتبت بواسطة (سعد بن محمد)

ان كــــان الخــبر صدق..

ماقول غير الشرها على اللي مستضيفه

ولاحول لله ولا قوه الا بلله

اما بعد .. لليمين دررر .. انت تقول محد يرد على مواضيعي وانا اشوف العكس
واغلب المواضيع بعد ماننزلها تحصل الف مشاهده والردود 3 او 4 واتمنى انك ماتحسس من الشغله هذه وتخلي الوضع طبيعي ياما مواضيع نزلناها وماحصلنا الرد منها الا بعد ثلاث او اربع ايام .. بالنسبه لكلامك تقول اخر موضوع تنزله .. لا انشاء الله انك بتستمر في جهدك لانك من الاعضاء الفعالين وشهادتي فيك مجروحه ولاتحسب اني اجامل ويشهد الله في كلامي ان اغلب مواضيعك مميزه وانا من قرائها واتمنى من المزيد من الطرح الرائع وننتظر كل ماهو جديد اليك .. تقبل مروري وتحياتي ..

يامرحبا بك ومسهلا والله اني صادق ياسعد بن محمد
وصدقت الشرهه على اللي مستضيفه

واشكرك على كلامك وابشر طال عمرك واتشرف في مرورك ولاهنت

على دروب الغانمين · #30 10-05-2009, 04:09 PM

اقتباس:

المشاركة الأصلية كتبت بواسطة اوراقي

لاحول ولاقوه الا بالله

لاهنت على المرور وصدقت لاحول ولاقوه الا بالله العلي العظيم