مرثيــــه في شايبنا المرحوم هويــــج ابن حيدر آل صليــــــــع

[ابن شتــــران]

السلام عليكم ورجمة الله وبركاته ..

هذه المرثيه اهداء لروح شايبنا هويج ابن حيدر ابن هويج آل صليع
رحمة الله عليه بعد ان وافته المنيه قبل ثلاثة ايام في السعوديه وتم
عزاءه فيها ..


:

:


جــر يا قصيدي شعور الحزن واملا السطور
ماني على كبـْت حزني قاوي ٍ من بلااااه !!

واقف وكـني من الصدمه مـِعبـّأ كسور
لا القاع تاسعني ولا اليوم ذا به حياه !!

مااحس في كبدي الا ّبـْنار تصلا وْ تدور
ان اسلـِمت حدّرت بي وان قذت..؟ لي اله

سبة خبر ضايق الخاطر وضايق صدور ..
لا والله الاّ تحدّر دمعنا من وراه

سبة وفاة الكريم اللي طويل ٍ اشبور
عود ٍ يـمــد السمينه يوم محد ٍ مداه !

عود ٍ درت به ربوعه وافي ٍ من عصور
الطيب طيبه والآراضي سقاها ؟ عطاه

ويدري به القاصي والداني وكل الحضور
وتدري به بـْلاد .. من ماضي ( ابيه ) وصداه

هذا هويج ابن حيدر ( جدي ) اللي امـْخبور
شمس ٍ بدت شارقه يوم السما هي سماه

راح و بكت له رجاجيل ٍ تشق الصخور ..
ربعه بني عمه ومن هو عـَنـَا في عزاه

مات وزمانه على طاريه حالف دهور ..
ينسى الردي لكن الطيــّب يعيش ابنباه

وهذي فعول القدر واحكام رب ٍ غفور
لاشك ماانعارض احكام الولي في قضاه

وخير الحكي ندعي الله يرحمه فالقبور
ويجمـّـله في محلـّه لين يلقى جزاه

يصبح مع اللي غدوا قبله في جنه و نور
ويلقى الربوع المطاليق الكبار الدّهاه ...

ابجاه ربي وجاه المصطفى .. من شعور
اقولها والقصايــد ماتوفــّي (( رثااااااه ))


:

:


حســـن آل صليع