بسم الله الرحمن الرحيم
مصافحه ثانيه .....عسىى ان تنال اعجابكم
ــــــــــــــــــــــــــــــــــــــــــــــــــ ــــــــــــــــــــــــــ
ماغرني قطع الدروب العسيـــرات=كيف الدروب الهينات اتعسرني..
ياما سريت بمختلف لأتجــاهــــات=لو ايتعسر دربــها مــا مـنـعنــي...
احب مسرى الليل واقطع مسافــات=والصبح يصـــبح والمكينه تحني..
واجلس لحالي وابعد امن العمارات=الشوق للــدار الخــلــيه شحــني..
بروح للي حبــها يســكن الـــــذات=ان مت انا حبي لها اللي ذبحني...
شعلن لياغابت عن العين سـاعـات=احن انــا لــزوالـهــن وتحــنـــي..
جرد الرقاب الغاليات الصخيفــات=قحز الضهور مشوشات المغنـــي..
دكت هواجيسي ودكــن الأبيــــات=تذكرت وانا احسب انها نستنـــي..
قدرت جيتــها ولاكـــن لحضـــات=ما عاد اطيق احضورها وتعذرنـي..
ياصاحبي دار الزمن والوفاء مـات=خل الليالي بالخفا يركضـــــنــي..
ماتنفع النجمه عيــونً سهــيـــرات=ومايضحك المشراف قلبن يونــي..
وماينفع الرجال كثر الحسـافــــات=ولا يرجع اللي راح كثر التمــني..
الصبر طاولني واطاوله بسكـــات=فقدت ضحكات الزمن وفقدتنـــي..
للقلب شف وبس للنفس مشهـــات=معاد اطيع القلب لوهو غصــبني..
ياصاحبي بين الثرى والسـمــاوات=اقرب من اللي بيننا حسب ظني..
ياشبه وضحن مع فريق (الحبيشات)=ترعى الخطر لازان عشبه وخني..
يــاكم عليهــا يدمينً الصـــقيــلات=وبيعت عمارن دونـــها ماتــونــي..
اخذ الكلام اللي يحل النزاعــــات=ومضمون هرجي باختصر واستمعني..
ان رحت ياجعله مراح الطويرات.=وان راح مثلك واحداً ماشــحنــي .
وسوالم
16-07-2009, 03:10 AM
العرض الشجري