احب اشارك معاكم بهالقصيده من كتاباتي واتمنى انها تحوز على اعجابكم وتكون القمه في آرائكم
البارحه وجروح قلبي معاطيب
كله سبب من شين الظن فيني
وانا اعرف العيب واجنب العيب
دامي مع الله ومتمسكه بديني
اموت ماتلحق حياتي عذاريب
واخوي قدره وسط قلبي وعيني
يلقاله بقلبي حفاوه وترحيب
ومعاه ترقي بالمحبه سنيني
يقطع لسان اهل الردا والاجانيب
على يميني سعد والله يميني
يضرب على راس الخطا بالمشاعيب
ويسكت العالم يسار ويميني
اخوي ولاكبرت علي المطاليب
يبيعني غيره وهو يشتريني
شفني من الضيقه دموعي مناحيب
وانت لياضاقت علي تحميني
اقسم برب رتب الكون ترتيب
اني اموت ولا لقيت العيب فيني
وسلااااااااااااااااااااااامتكم
10-08-2009, 12:54 AM
العرض الشجري