*((بســـــــــــ اللـــــــه الـــــرحمـــــــن الرحيــــــــــــــــــم ــــــــــــــــم))*
الســـــــــــــــــــــــــــلام عليــــــــــــــــــــــــكم ورحمـــــــــــــــة اللـــــــــــــــــــه وبركــــــــــــاته , , ,
اخواني اخواتي اعضاء منتدانا المميز , , ,
من هنا اتمنى من الجميع المشاركه بالهجوم القوي على شاعرنا المبدع المميز أحمد بن جوفان والمطالبه من المبدع أحمد بأن يتحفنا كل ماسمح له وقته ببيتين شعر على الاقل اوشيله او رديه مع أحد الشعراء .
وان يكون بالمنتدى صفحه خاصه للمميز أحمد فقط لقصائده بدون اي مشاركه من المشاركات المعتاده على المواضيع . . .
واتمنى من ادارة المنتدى واعضاء المنتدى الوقوف مع المبدع أحمد والشد من ازره وتشجيعه حتى يمتعنا ويصل الى اعلى المستويات .
ربما يسأل أحدكم لماذا أحمد بن جوفان !!؟. . .
هل لأنه عجمي . . !
أو مجامله لصلة قرابه اوصداقه اومعرفه . . !!
الجواب اقسم بالله العظيم لايوجد بيني وبينه معرفه اوصلة قرابه .
ولكن لأنه الشاعر الجميل المبدع المميز صاحب الصوت الشجي ولقلة ظهوره الاعلامي رغم عدم معرفتنا بالسبب هل هو هظم من الاعلام اوتقصير من المبدع أحمد نفسه . . .
الله يوفق شاعرنا الجميل أحمد والله يهديه انشأالله للتجاوب مع رغبتنا ويسامحني على القصور . .
الله الله يالاعضاء بالمطالبه وأنا اولكم ..
أحمد نبي منك طال عمرك (( شيلة الدمعه )) . . . .
الدمعه اللي تكابر في طرف عيني
يردها الموق بس الجفن حدرها
سمعت صوتك مع العالم يناديني
وأزريت لا أردها بالعين وأسترها
وصديت ما ودي إن الناس توحيني
مثلي يموت ودموعه صعب ينثرها
يخنقني البوح بس القلب يعصيني
ويبقى بوسط الصدور وفي خواطرها
الحزن لوني خفيته واضحٍ فيني
وارد على القلب والفرحات صدرها
والبسمة اللي تبيني بس تخطيني
متى على الله يجيها يوم وأظهرها؟
ألاحي الورق مدري هي تلاحيني
أون وتسجع ووناتي تكررها
لبيه يا ذكرياتي وأجمل سنيني
وياقصةٍ عايشه لو مات آخرها
وين أنت يا أول غرامي يامعنيني
وين أنتِ يا أغلى ذنوب القلب وأطهرها
أصحى وطيفك معَ زولي يباريني
وأرقد وأشوفك مع أحلامي تباشرها
ما أدري تناسى غصب أو أنت ناسيني
ما أدري عهودك وش اللي صدق غيرها ؟!
واليوم وينك بها الدينا وأنا ويني
طالت ليالي الفراق بعين ساهرها
كم قلت ترى ما عاد تعنيني
إن جات للنفس نفسي يمكن أقدرها
واليا أظلم الوقت هوجاسي يسريني
ويضيق صدري وكل أ يامك أذكرها
وتبيني أنسى وأنا ما عاد يمديني
لو شفت حالي قسم بالله تعذرها
أصّبر الحال في قولت بياتيني
وأنا أدري إني اببطي لو أصبّرها
وقصايدي في غيابك ما تسليني!
لو تطرب الناس تشكي جرح شاعرها!
والنفس تشكي زمانٍ صدق مشكيني
حتى أنت ياغلى البشر تبعد وتحقرها
والدمعة الي من الوحده تواسيني
الي من آخر لقاء بالله خابرها؟!
شفها تكابر وترجف في طرف عيني
ولاني عقب شوفتك ياالزين ذاخرها
07-12-2009, 01:49 AM
من هنا الحمله على الشاعر أحمد بن جوفان
العرض الشجري