ذيب الوفا برجوم صدري خلاوي

[سفيره بني خالد]

والله لامريت فـي بـال هاويـك
....... وتذكرك يومنْـك بالعيـن تـاوي

ايضيق به صدرن يردد حكاويـك
....... يحكيك حبن مـا حكابـك نـزاوي

الله ينسانـي اذا نمـت ناسـيـك
....... يوْفى من الظلما لعيـن العمـاوي

اغليـك اي والله بالحيـل اغليـك
....... ياغلى من الحومه لطير النـداوي

اول اجي لك وانتثر بيـن كفيـك
....... واليوم ذيب فراق وصلك يعـاوي

ذيب بقلبي يقتنب كـل ماطريـك
....... ذيب الوفا برجوم صدري خـلاوي

جيت المكان الي اجي لـه ملبيـك
....... امن اول ٍ يوم الدهر لي مخـاوي

وقفت واناظـر هذاهـي حراويـك
....... وهذا محلك يوم تطـرب غنـاوي

هذا محلّـي يـوم اقبّـل اياديـك
....... وهـذا محـلِّ فيـه للحـب راوي

لا الموج ممحي ياحبيبي خطاويك
....... ولا الريح غطت ضحكتك يالحياوي

كن النوارس صوتها لـك يناديـك
....... واليمّ لاقبل للبكـى بـه حـراوي

ووه ٍ بثر ووه ٍ بثـر ووه تنبيـك
....... كم حسرة ٍ بالقلب عقبك تضـاوي

لولا الحيا في عالي الصوت لابكيك
....... يسمع لجيج القلب من بالصّـداوي

خلّ الحزن بالقلب والقاف يكفيـك
....... خوفي لكدّر نومتـك وانـت زآوي

ما والله ان احد ٍ جبر كسرتي فيك
....... فرقاك ملْها يـا حبيبـي مـداوي

والله لو لي قـدرة ٍ كـان لفديـك
....... روحي فداك اليا رفعـت العـزاوي

شفني وفيت وجيت يمّـك اسليـك
....... عند النّصايب طايـح ٍ ومْتسـاوي

والله ينسانـي اذا نمـت ناسيـك
....... يوْفى من الظلما لعيـن العمـاوي