بسم الله الرحمن الرحيم
قصيده للشاعر محمد ابن الذيب
0
ياضيوفنا
ياضيوفنا بيض الوجبه السمحه النبل الكرام =الليله العين الحزينه ماحن مبكينها
يامرحبا ترحيبة فيها غلا والا انسجام=تكاثروها القوم والعجمان متشاوينها
الله خلقنا درجات وكل انسان مقام =لكن قربه من عباده في تفاوت دينها
والعين مدهال السهر والقلب مدهال الهيام= والانفعال اللي يسببها التفاؤل بينها
واشرف علامات السماحه فالوجيه الابتسام=واعزها ضحك الحجاج فساعة ياشينها
يامعزز صبيان يام بقدرتك برجال يام=لي زمت من فوق الرجال استر علي من عينها
قد تعظم فعين الصغير اصغارها بس العظام= بعيونها تصغر متاهات الزمن وسنينها
وان طاحت الدنيا على راسي ماخلتني حطام=اصيح فقصاء يام وعيوني على شبرينها
ياوجد حالي يابني عم السعد في كل عام =يوم المواتر خيل والموت الحمر تامينها
اليا وقفنامع طويلين الشبور نشك خام =اما لعين ابن المرظف او لبن حثلينها
والطنخه اللي صدق والفعل المحكحك.. والكلام=فعول ربعي يوم ردينا القضاء فـي حينهـا
يوم اعتزينا والرماح مركزه والـدرب شـام=صدورنـا مدهـال للطعنـات ومضرينهـا
في جسم الانسان الطبيعي حسب ماجاء من علام =نظام اسمه كريات الدم واللي فجينها
هذي ليا ضقنا يجي فيها سوات الانقسام= تذوب لين ان الغضب يغلب على تكوينها
ويضخها عرق الطنا مثل العرق عبر المسام =اكبر اشعه نافذه ماعاد تدري وينها
قد صيح التاريخ يالعجمان مامنها سلام=النصر والا الموت قلنا هاتها ثنتينها
لو الصحابه عاصرو راكان وحروب الامام=تجاوزت عن ماحصل في بدرها وحنينها
نملى عقول الناس فكر ونكسب اكثر لاحترام=ونجي ديار جهينه ونحشم كثير جهينها
وارجلينا فوق الثراء وارقابنا فوق الغمام=وان انحت ابراج السماء حن اللي امنحينها
والا التهامي يلوي اشدوقه وتصفق له تهام=وسيوفها ماهي تهوم الاعلى سكينها
ياقاني الجرباء تراها لاتباع ولاتسام=لوتنطلي من خشمها لفرسن اكراعينها
واللي فراسه حب مايطحن وفي خشمه اعرام=ياتي مع وجه العرب لايمر مع جنبينها
في شارب ابي راشد اللي قومته لامنه قام=تهز راسي من طنخ وتشوش بي في حينها
ماكبرت الحمله على كتف الجمل قبل العظام=الاوكتفه قد صلفات السنين ولينها
اليا نكحناهامع رجلينها وفمها حرام=وشلون ننكحها مع فمها ومع رجلينها
وسلامتكم
11-08-2006, 07:26 AM
العرض الشجري