## طويــــق تحت المجهر ##

[كرباج]

طويق


هذي الساعه المباركه

[كرباج]

السلام عليكم


اولا نشكر الاخت , وردة المنتدى

لاتاحة الفرصه لناا لكي نتعرف عن قرب للشاعر المبدع طويق




اشحالك يا طويق

نخش بالاسئله طوالي

نبدأ بصدى المجامله اقصد المشاعر
1)
من يجيد كتابة القصيد الموزون يستحق ان يطلق عليه لقب شاعر ولكن في منتدانا وجدت
بعض الاشخاص يظربون الوزن عرض او بالاصح اغلب قصائدهم تفتقد هذا الركن الاساسي
ونجد تحت اسمائهم لقب شاعر

لماذا او ليه


2)هل لقب شاعر يمنح مجامله ولماذا لايكون هناك قانون يطبق بدون مجاملات ؟
الدليل على هذا قلت الشعراء وكثرت المستشعرين




3)لابد ان هناك قصائد جميله في صدى المشاعر لكن يا قلهاا
نريد اقوى قصيده مرت عليك في صدى المشاعر لا تقول واجد ما ابي دبلماسيّه




الحين بنروح للمحاوره


4)منتدى المحاوره ينشط فالسنه حسنه يعني يوم بالسنه وباقي السنه تصيبه حالت ركود غير طبيعيه لماذا ؟




5) المحاوره المباشره تذكرني بشاعر المعنى
لماذا الاقبال عليهاا بسيط



طويق بدون مجامله انت شاعر مبدع وخلوق ومكسب لهذا المنتدى

اكتفي بهذا القدر من الاسئله وربما تكون لي عوده فيما بعد


وشكرا لك يالطيّب

[بــ ــــــــرق]

السلام عليكم ورحمة الله وبركاته



مساء الخير



ارسطو / لا هنت على الجهود المبذوله و كل الشكر لك ،


وردة المنتدى / لا هنتي على الجهود المبذوله و كل الشكر لش ،








طويــــــق


منور ، و ديربالك لا تجهرك عدسة المجهر




الأسأله



1 - من الشاعر الذي يلفت انتظارك فـ / منتدى المحاوره .؟


2 - من الشاعر الذي يلفت انتظارك فـ / صدى المشاعر ؟


3 - من هو شاعرك المفضل خارج المنتدى فـ / المحاوره و النبط .؟


4 - هل هناك اعضاء يحملون لقب ( شاعر ) و هم ليسوا شعار .؟ و لماذا .؟


5 - المجامله فـ / الشعر صايره اكثر من اللازم .. ما هو السبب و ما رأيك فـ / الموضوع .؟


الاجابه يا طويـــق بدون مجامله رجاء ً ،


شنو تعني لك هـ / الكلمات ،


الحب


الخيانه


الغدر من صديق


نكران الجميل



تقبل مروري


بــ ــــــــــــــرق

[ناصـر محمد المجروب]

يامساء الجبال النايفه
طبعا لايختلف اثنان ان المجهر هذا الاسبوع قمه في اسلوبه وقمه في النك المستعار
يامرحبا بك ياطويق وانتظر الاسئله (ومن بينهم سؤال (الهتان) )
لي عوده يالغالي

[الترفيهي]

ياحياك يامراقبنا
مسوين زحمه هني
مروري للسلام وحبة خشم على شاعر المحاوره المخضرم طويق
وحبيت أقول ان المستشعرين في المنتدى زادو
وش الحل مع الطحالب واللي يطبلون لهم

[فــلاح]

المشاركة الأصلية كتبت بواسطة العود

السلام عليكم ورحمه الله وبركاته
وعليكم السلام ورحمة الله
اولا ً كل الشكر"بعد الله" للأخت القديره /وردة المنتدى على أستضافة الاخ والمراقب طويــــق

تستحق الشكر الأخت وردة المنتدى

وثانيا ً على طول الاسأله: وأتمنى من الاخ طويــــق تقبلها برحابة صدر

لو صدري ما هو رحب ما جيتكم أهنيا اسلم والله يعيناا عليك يالشيبه

الاسأله لاتخرج عن محور القلطه !!

أبرك وأسعـد

1- هل تأيّد اللعب على المستوى السطحي فالمحاوره .؟

لا وبكل قوهّ .. بس في بعض الأحيان لا مفـّر منه

2- وش النقض والفتل بالنسبه لك فالطاروق .؟

أساس الطاروق يعني الطاروق اللي مافيه فتل ونقض أعتبره فقره غنائيـّه

3- وش الإجراء اللي تتخذه مع شاعر نزل معك بالمعنى إلى حفرة الدرك .؟

إذا كنت فاضي وماعندي شغل بأستعمل الحكمه والخبره البسيطه ..
وإذا كنت مشغول بقوله لاهنت بدون صح ألسـانك

4 - اللعب على المستوى القبلي وش رايك فيه .؟ وهل هو مقياس لقوّة الشاعر .؟ ، وهل إنه ممكن يصقل موهبة الشاعر من خلال ممارسته .؟

لا كان على المكشوف لايودي ولا يجيب << من بعد تجربه
ولا كاان مبطن ومقفل تماام ً على سبيل المثال : طاروق الثبيتي والمسعودي وهو طاروق مشهور
جدا ً اللي بدايته يقول : المسعودي :

نهاية يوم ذي الحجه بداية يوم من عاشور = هلا يامرحبا والمملكه باحلى لياليها

وطاروق كذلك بين ابن بلال وتركي 2000 لا يحضرني لكنه طاروق قبلي
واغلب الجمهور مايدري وشهو معناه

وبالنسبه لسؤال الثاني . إذا كان مكشوف ماهو مقياس وإذا كان مبطن نعم مقياس

وبالنسبه لسؤال الثالث نفس أجابة الثاني

5- هل تحرص على توضيح وكشف المعنى للجمهور .؟ أم تحرص على العكس .؟ ولماذا .؟

لكل مقام ً مقال وفالغالبيـّه أحرص على عدم كشف المعنى ..
لأن المحاوره لذتها بغموضهاا

6 - وش البيت اللي أعجبك عمق الفتل فيه ، ووش البيت اللي أعجبك قوّة النقض فيه .؟

أفضــل فتــل :سمعته تقريبا ً بيـت لفيصل الرياحي موجّه إلى مفرح الضمني يقول :

كان تبغانا نهــّد البيت ونطـّش الأخلـّه=وش كبر رأس البعير اللي تعشـّت الغزالـه

وأعتذر الشاعر مفرح الضمني الله يرحمه من الرد وسكرو الطااروق

وأفضل نقض : سمعته بيت لمطلق الثبيتي يرد فيه على المسعودي يقول : المسعودي

لقيت الشايب اللي لقمته ماوصلت الحنجور= مصيبه لن تفلها وان بلعها سمها فيها

ويرد الثبيتي ويقول :

لقيت الطرقي اللي شق قدره شعلة الدافور = لياجاته ضيوف الله يزري لا يعشيها

^^
^

وهذا أجمـل نقضه سمعته تقريبا ً

7- شرايك بمستوى منتدى المحاوره من حيث الحضور ومستوى الشعّار بدون مجامله .؟

مستوى الشعار عادي الإ من رحم الله ، ومستوى منتدى المحاوره بشكل عام متوسط

8 - منهو الشاعر اللي تتمنى مقابلته .؟

تركي 2000

9- بيت تحسفت إنك قلته ، وشاعر ندمت إنك رديت عليه .؟

أبيـات واجد تحسفت اني قلتها لأني أحس ان لهاا رد أقوى

شاعر فالمنتدى بس ماني بقايل لك اسمه

10- متى ينجح الطاروق في نظرك .؟


بالفتل والنقض والإبدااع


وأنت مبدع كــ/ عادتك والله من دون مزالفه او مجامله

تسـلم شهااده اعتبرهاا وسام على صدري

ولك تحيااااتي/ ويمكن يجد عندي شي جديد لــ/شخصك الكريم فراح أسألك أياه

يامرحبـــااا في أي وقــت ولا عاااد تكـثر الأسألـه

يامرحبـــــااا ياشايبنـــااا ونورّت المجهــر في مــرورك


<< نشف ريقه من أسألتك

[فز الخفووق]

السلام عليكم ورحمه الله وبركاته

مشكووره اختى على الموضوع الجميله والرائع

اسمحولي ابي اوجه كم سوال لخوي طويق وشاعرنا الرائع طويق

1: لماذا لم تشارك في برنامج شاعر القلطه او شاعر المعني

2: ومن هو شاعرك المفظل من شعراء العصر الذهبي

3: هل ستشارك في مسابقه شاعر المليون

وشكرا


وعساك على القووه

[فــلاح]

المشاركة الأصلية كتبت بواسطة كرباج

طويق


هذي الساعه المباركه

يامرحباا ياكرباااج وساعتك ابرك ومنورّناا

[الترفيهي]

الشاعر المخضرم طويق <<<< المخضرم يعني نكه اخضر
آخر سؤالين على الطائر
هل سبق ان لعبت في الميدان وتوسطت الملعبه والصفوف؟ وكم مره؟ ومن قابلت من الشعار ؟
وليه انت غامض يوم سألوك عن عمرك ؟
الوكاد انك مشدّق والله اعلم

[فــلاح]

المشاركة الأصلية كتبت بواسطة كرباج

السلام عليكم

وعليكم السلام ياكربااج

اولا نشكر الاخت , وردة المنتدى

تستحق الشكر

لاتاحة الفرصه لناا لكي نتعرف عن قرب للشاعر المبدع طويق

تفضل كلي لك


اشحالك يا طويق

الله يجمل حالك وانت وشحالك ؟

نخش بالاسئله طوالي

توكلنا على الله

نبدأ بصدى المجامله اقصد المشاعر
1)
من يجيد كتابة القصيد الموزون يستحق ان يطلق عليه لقب شاعر ولكن في منتدانا وجدت
بعض الاشخاص يظربون الوزن عرض او بالاصح اغلب قصائدهم تفتقد هذا الركن الاساسي
ونجد تحت اسمائهم لقب شاعر

لماذا او ليه


صحيح يا أخي الكريم ولكـّن ماهوب كل قصايده مكسره تلقى فالقصيده كسر كسرين << ومع ذلك
اناا اقول أنه لا يستحق لقب شاعر مع احترامااتي لكل الشعار من هذه الفئـّه ، لو كان ابن عم او
صـديق ما أقدر أجامله على حسااب الوزن لأن بحور الشعر وأوزاانه ماهي ملك لأبي لاستطيع
التسامح عن الكسر

وبالنسبه لسؤالك ليـه ؟ ربماا الواسطه لها دور كبير في هذا المجاال ، ولو أني معارض للواسطه في
مجال الشعر لكـّن ، الشكوى للـه وإن شاء الله ان كل من حصل على نك شاعر وهو من الفئه اللي
ذكرت رااح يسنع وزارته وإذا ما سنعهاا الله يسلم المحاولات والنثر لأن مثل ما ذكرت اوزان
الشعر ماهي بأسم جـّدي

2)هل لقب شاعر يمنح مجامله ولماذا لايكون هناك قانون يطبق بدون مجاملات ؟
الدليل على هذا قلت الشعراء وكثرت المستشعرين

بعض الأحيان نعم مجامله أو واسطه
والواسطه متوااجده حتى في يوم القيامه عندما الرسول - صلى الله عليه وسلم - يجهـّر بصوتـّه ويقول
( أمتي أمتي) ، فكيف تستغربون تواجدها فالشعر

المصييه في أن المستشعر يا اخي كرباج عندما تقول : له انت لا تستحق لقب شاعر ، يظن انك تطعن
في رجولتـه فلمـاذا ؟ تكسب عداوات .. خـّـل كل واحد يمشي على دربه وحاول انك تنتقده او تنصحه
وإذا لم يتقبل ( ماهو بأغلى الطروش )





3)لابد ان هناك قصائد جميله في صدى المشاعر لكن يا قلهاا
نريد اقوى قصيده مرت عليك في صدى المشاعر لا تقول واجد ما ابي دبلماسيّه

بوجهة نظري قصيده للمبدع / محمد أبو زيـد مطلعها يقول فيه :

( أنا البارحه زاحت هجوسي لذيذ النوم )

الحين بنروح للمحاوره


4)منتدى المحاوره ينشط فالسنه حسنه يعني يوم بالسنه وباقي السنه تصيبه حالت ركود غير طبيعيه لماذا ؟

- قسم المحاوره يذكرني في بعض بيوت الوادي
لا جات العطلـه ولعت ضيانه ولا جاات الدوامات طفت ضوّه


5) المحاوره المباشره تذكرني بشاعر المعنى
لماذا الاقبال عليهاا بسيط

لقلـة الشعااار وتفاوت المستوياات

طويق بدون مجامله انت شاعر مبدع وخلوق ومكسب لهذا المنتدى

اكتفي بهذا القدر من الاسئله وربما تكون لي عوده فيما بعد

يعلم الله انهاا شهاده على صدري ووسام يا كربااج وفأنتظاار المزيد من الأسئلـه

وشكرا لك يالطيّب

العفؤ يالحبيب

كربــاج


شكرا ً لمرورك المميـّز ونورتنـاا في طلتــّك