الهرج يكفي صامله عن كثيره ..!

[ناصـر محمد المجروب]

السلام عليكم ورحمة الله وبركاته



.
.
.
.
.

أقدرّ الطيب .. واوجب رياجيل
واداحم الشعار في كل ديره

وأداري الشرهات واعدّل الميل
واسابق أهل الفعل من دون ِغيره

على (ونعم) أسعى من الصبح لليل
يوم أن غيري راقد ٍ في سريره

والضيف لاجانا مع ريحة الهيل
على الشحم ودلال بن ٍ نظيره

وان صاح صياح اللقى ينطح الخيل
يبشر بجمع ٍ من جموع ٍ غفيره

ربعي ضنى مرزوق ذباحة الحيل
الصيت جانا بالسيوف الشطيره

يامية ٍ في وقعها كنها سيل
لامن تحدّر يشرب الضلع غيره

من دوّر القصيا نجازيه بالويل
لين يتساوى فيه شره وخيره

ومن دور العليا بعد كل ماقيل
له عندنا كل العلوم السفيره

الطيب فينا نورثه جيل عن جيل
يزهى بنا وصفه ويسمح ضميره

قلته وانا شاعر واصوغ التماثيل
(والهرج يكفي صامله عن كثيره)



تقديري