## العماني ضيف على كرسي الاعتراف ##

[كويتيه]

يعطيك العافيه يا العماني..
والله يعينك على الاساله

ما ابي اثقل عليك..
بس لمن تهديهم..

باقه ورد

باقه شوك

عتاب..

شكر...

يعطيك العافيه..

الله يسامحك..

شتقتلك...

احبك..

.

[qataria]

الاخ العماني....

الله يعطيك العافية على سعة صدرك وتجاوبك مع اسئلة الاعضاء....

عندي سؤال لو سمحت :

ما رأيك في تعامل إدارة البعثات القطرية في وزارة التربية والتعليم في تعاملها مع الطلبة المبتعثين للخارج ؟؟؟؟؟؟ يعني هل هم متساعدين معاكم ويلبون كافة احتياجاتكم ؟؟؟؟ وماهو دور الملحق الثقافي في السفارة ؟؟؟

[ابوتركى]

مرحباا ابو مبارك بصراحه الشباب ماخلو شى الله يعافيهم بس ان

فى خاطرى اشياء ودى انك اجاوب عليهااا اذا كان لك خاطر




1- بما انك متقن للغه الفرنسيه نبى ترجمه لبعض الكلمات؟ مثل


الدعاوى مثلا ---- يامال فرق العين-- يامال العله---- الله ياخذ عمره


يهيب ياوجهه--- ضفعه --- مبدول --



2- ماهى نظره الفرنسيين للعرب؟




3- بما انكم مسلمين هل تتعرضون للمضايقات بعد الحملات اللى شنوها

الفرنسيون بقيادة جاك شيراك على ربوعناا؟



4- هل لك علاقات وصداقات مع فرنسيين؟



5- معروفه فرنساا بلد اشتهرت فى تصنيع العطور؟ ولكن مانسمعه

انهم اكثر ناس لايهتمون بالنظافه ؟يعنى مصنيين؟هل هذا صحيح؟



6- هناك يقال تدرى شلون خلاص هونت مانى مكمل السؤال

وناطر اجابتك

[العماني]

تايه الغربه

الاخ الغالي العماني

الله يعطيك العافيه يا الغالي على اجاباتك الوافيه وسعة صدرك وهذا من طيب اصلك

الله يعافيك حق وواجب

ولكن عندي سؤال يا ابو مبارك جعل عمرك طويل كان بودي ان تجيبني عليه
قبل ان تغادر كرسي الاعتراف
هذا السؤال طال عمرك سبق وان طرحته على العديد من الاشخاص اللذين اجدهم
على كرسي الاعتراف وكانت اجاباتهم دبلوماسيه السؤال

هل تؤيد ان يخوض الشاب تجربة حب عاطفيه في حياته مع الجنس الآخر ؟
وما رايك في مثل هذه العلاقات بين الجنسين ؟

في الحقيقة علاقات الحب العاطفية موجوده بين البشر وبالتحديد العرب الأولين منذ قديم العصور ، وحبهم شريف وعفيف وهذا اللي أيده واللي يجي عقبه زواج ، اما الحب الخريطي وحب الشاتات والتلفونات اللي قايم ذي الأيام فما أيده.


هذا وتقبل أجمل وارق تحيه من (( تايه الغربه))

شكرا

---

كويتيه
يعطيك العافيه يا العماني..
والله يعينك على الاساله

الله يعافيك والله يعين الجميع

ما ابي اثقل عليك..
بس لمن تهديهم..



باقه ورد

لجميع اسرة منتدى العجمان

باقه شوك

لأعداء الأمه

عتاب..

الأعضاء اللي اسئلتهم واجد

شكر...

الشباب اللي اسئلتهم شوي

يعطيك العافيه..

مشرفين ومراقبين المنتدى

الله يسامحك..

بوحمد الشامري على اسئلته النارية

شتقتلك...

أهلي كلهم

احبك..

الوالدين العزيزين

---

qataria

الاخ العماني....

الله يعطيك العافية على سعة صدرك وتجاوبك مع اسئلة الاعضاء....

الله يعافيك

عندي سؤال لو سمحت :

ما رأيك في تعامل إدارة البعثات القطرية في وزارة التربية والتعليم في تعاملها مع الطلبة المبتعثين للخارج ؟؟؟؟؟؟ يعني هل هم متساعدين معاكم ويلبون كافة احتياجاتكم ؟؟؟؟ وماهو دور الملحق الثقافي في السفارة ؟؟؟


بالنسبه لي ما حصلت منهم الى كل خير وكانوا متجاوبين معنا الى اقصى أحد ، مع العلم انه يوجد كثيرين من الطلاب اللي يتشكون منهم بس ممكن حنا أولونا اهتمام لأنا أول بعثة رسمية لفرنسا بناء على أمر من سمو الأمير لذلك لقينا رعاية كبيرة وعند وصولنا استقبلنا السفير شخصيا وعاملونا معامله خاصه.

اما بخصوص الملحق الثقافي ، ففي فرنسا لا يوجد ملحق ثقافي رسمي لكن المكتب الدائم للدولة لدى اليونيسكو هو القائم بشؤون الطلاب وعزالله ما قصروا ومتجاوبين معنا الى اقصى حد.وبخصوص الدور فهو ملزم باستقبال الطلاب ومراسلت الجامعات ومساعدة الطلاب في اي مشكله قد يواجهونهاوادارة شئونهم.

---

بوتركي

مرحباا ابو مبارك بصراحه الشباب ماخلو شى الله يعافيهم بس ان

فى خاطرى اشياء ودى انك اجاوب عليهااا اذا كان لك خاطر


تفضل

1- بما انك متقن للغه الفرنسيه نبى ترجمه لبعض الكلمات؟ مثل


الدعاوى مثلا ---- يامال فرق العين-- يامال العله---- الله ياخذ عمره

يهيب ياوجهه--- ضفعه --- مبدول --

هههههههههه سؤال حلو بس اسمحلي يا بوتركي ما راح اترجم الدعاوي عشان ما أكسب أثم بترجم لك بس يااا مال فرقى العين .

اذا ما خاب ظني

malheureux


2- ماهى نظره الفرنسيين للعرب؟

والله فيه الطيبين اللي يحترمون العرب ، وفيه الرخوم العنصريين اللي يكرهوننا، بس على العموم صارت كلمة عرب سلبية في المجتمع.

3- بما انكم مسلمين هل تتعرضون للمضايقات بعد الحملات اللى شنوها
الفرنسيون بقيادة جاك شيراك على ربوعناا؟

والله لحد الحين ما تعرضت لأي مضايقة ، وتراني ما فهمت ويش تقصد بربوعنا

<<<<فهمه بطئ

4- هل لك علاقات وصداقات مع فرنسيين؟

نعم

5- معروفه فرنساا بلد اشتهرت فى تصنيع العطور؟ ولكن مانسمعه
انهم اكثر ناس لايهتمون بالنظافه ؟يعنى مصنيين؟هل هذا صحيح؟

والله الأولين وصخين ما يعرفون السبوح ، حتى يقولك ان الملك لويس الرابع عشر ما تسبح في حياته غير مرتين ، مرة يوم جابته امه ، ومره قبل ما يعرس بيوم ، وميت وعمره 79

عشان كذا اخترعوا العطور والصابون ، وانا صراحه زرت قصور لملوك ونبلاء فرنسا واكتشفنا الله يكرمك ومن يقرى ان مافيها حمامات ، في حين قصور المسلمين اللي بالأندلس واللي اقدم من قصورهم فيها حتى حمامات سباحه.

الله يعز الإسلام.

بس الحين ابشرك قاموا يتسبحون ويتنظفون ، وترى بعض العرب اللي عندنا اوصخ منهم وصنانهم يبط الراس .


6- هناك يقال تدرى شلون خلاص هونت مانى مكمل السؤال
وناطر اجابتك.


هههههههه حياك الله وشكرا على الاسئلة الغريبة العجيبه.

[كويتيه]

يعطيك الللللللللللف عافيه يا العامني
وصراحه اساله بو تركي كانت عجيبه
زين سوال.. في تشوف محجبات عندكم بفرنساا؟ و اذا اي هل عدهم كبير ولا فئه قلييله؟؟؟


وهل في نسبه خليجين كبيره بفرنساا ولا لا؟؟

[السياسي]

لا هنت يا العماني على سعة بالك


((في الأجوبه الفوريه على الأسئله الناريه))


بالتوفيق يا السنافي


السياسي

[العماني]

كويتية

يعطيك الللللللللللف عافيه يا العماني

الله يعافيك

وصراحه اساله بو تركي كانت عجيبه
زين سوال.. في تشوف محجبات عندكم بفرنساا؟ و اذا اي هل عدهم كبير ولا فئه قلييله؟؟؟

والله المتحجبات ليسوا بالقلال وفيه فرنسيات شكثر متحجبات


وهل في نسبه خليجين كبيره بفرنساا ولا لا؟؟

بالمقارنه مع بريطانيا وامريكا فهم قلة جدا.

---

السياسي

لا هنت يا العماني على سعة بالك

((في الأجوبه الفوريه على الأسئله الناريه))
بالتوفيق يا السنافي

ولا انت يالقرم والله لايهنك على كل حال.

[محمد أبو زيد]

لاهنت يابو مبارك على سعة الصدر وطولة البال

واهنيك المخلاص , وانا والله ماني بقليّل شر لكن حظك زين انشغلت ولا كان بعزّر بك


لاهنت يالقرم , والسلام ختام

[اطياف الماضي]

العماني

بصراحة استمتعنا بجلوسك على الكرسي وتمنينا ان الاسبوع ماخلص

على العموم

يعطيك الف عافية وشاكرين لك على اجوبتك الرائعة ..

نتمنى لك التوفيق في حياتك وفي دراستك

في انتظار رجعتك لديرتك وانت سالم وحامل معك شهادتك اللي ترفع الراس

تحيتي لك