اتصل بنا البحث up a3ln usercp home
 


العودة   ::. مـنتدى قبيلـة العجمـان .:: > الـمنتديات الادبيــــــة > :: مـنتدى القـــصص والروايـــات ::

إضافة رد
 
أدوات الموضوع انواع عرض الموضوع
  #1  
قديم 16-12-2005, 11:00 PM
بن عجمـــــــــــــى بن عجمـــــــــــــى غير متواجد حالياً
 عضو خاص
 
تاريخ التسجيل: Jun 2005
المشاركات: 5,853

الاخت الجاذبيــــــــــــة
لا زلناا
بانتظار التكملـــــــــــــه بس
خلصـــــــــــى الامتحانات اهم شــــــــى والله يوفقش

رد مع اقتباس
  #2  
قديم 16-12-2005, 11:22 PM
الصورة الرمزية gravity
gravity gravity غير متواجد حالياً
 عضو خاص
 
تاريخ التسجيل: Nov 2005
الدولة: kuwait
المشاركات: 5,445

الله يسلمك ويجزاك خير يابن عجمي

والله جاهزه بس تبيلها تضبيط بس اخلص اختبارات بنزلها هنا

لاهنت على المرور ..

رد مع اقتباس
  #3  
قديم 17-12-2005, 01:09 AM
سـعـود سـعـود غير متواجد حالياً
 عضو خاص
 
تاريخ التسجيل: Jun 2005
الدولة: فـي مـحـجـر عـيـونـه
المشاركات: 5,125

جاذبيه

يالله أكتبي القصه وخلي الامتحانات تولي

وهالله هالله في الكلمات اللي مدري وشهي قايله

والحركاااات اللي بالصابع


والله يوفقش بالامتحانات

__________________
" المفروض اني صرت ما احبك ...
و لكن انا احبك
و من يقدر يبـــــــــرد داخله اشجان
لكن ذكرت انت و انا ما عادنا خلان
"

رد مع اقتباس
  #4  
قديم 17-12-2005, 02:35 AM
الصورة الرمزية gravity
gravity gravity غير متواجد حالياً
 عضو خاص
 
تاريخ التسجيل: Nov 2005
الدولة: kuwait
المشاركات: 5,445

هههههههههه الله يسلمك ويجزاك خير

ابشر ابشر بالكلمات بس حركات ما اضن بعد فيه

ولاهنت يا سعود على مرورك العطر ...

رد مع اقتباس
  #5  
قديم 20-12-2005, 11:40 PM
الصورة الرمزية gravity
gravity gravity غير متواجد حالياً
 عضو خاص
 
تاريخ التسجيل: Nov 2005
الدولة: kuwait
المشاركات: 5,445

السلام عليكم ورحمة الله وبركاته

وشلونكم يالغالين ؟ اعذروني طولت عليكم ظرووف والله الدراسه

واليوم كملت لكم جزأ من القصه وانشاء الله يعجبكم .. وطبعا هذا الجزأ له تكلمه بعدين



سوالف بنات...



غزيـل : ياقطع قلبي قطعاه عفور انتي شفتي (ولد العمده)

عفور:يالبيه صدق كلن بقول انه زين .. قال وينك ياخالد عبدالرحمن جيتك ..

غزيل : اخييييه ابكيش ماتعرفين تشبهين اسم الله عليه قولي يشبه فارس مهدي يمكن معقوله ..

عفور: شفتيه وشلون يتبع امه في السوق ويشيل حاجاتها !!

غزيل: ايه من زان وجه زان دله << مثل

عفور : امه تدور له مره تقول انه يبي العرس .. ابكيها صدق اذا ما اخطبتني انا ذاك اليوم في العرس جيت ومتقصدتها ورقصت قدامها طاحت كبدي من الرقص ..



ام محيسن : عفرااا عفرااااا وصقه

عفرا: لبيه لبيه جيتش جيتش

الام :لعن امي فيش ان خليتش .. تراني مانيب على ابي

عفرا:ليه ليه << ادمعت عينها من الخلعه

الام : البخي يالرفله .. روحي صوب حجرتش وسنعيها وقصري على الجبو اللي يلالي

عفراء ( تموت في القصيد ومشغله شريط لضيدان بن قضعان ومطوله عليه حده )..








(((( بيت العمده ))))


تتكون من الاب وهو شاعر القبيله وعمدتها (الشاعر ادبيان)
والام عمشه بنت ابداح (يقولون انها زينه وان ادبيان لو انه ماخذاها كان نكع مافي عينه قطره)
واربع بنات (كبار معرسات) والابن الاكبر (ناجي) << معذب البنات




مشهد بيت الشعر ..



عمشه : انا يا ادبيان ضايقه وشايله في خاطري عليك
ادبيان : افااااااااااا ياذا العلم ليه ليه انا افدااش
عمشه :انت كنك عين عذاري قصدت في الجميع وانا ياام اعيالك ماجاني شي منك

ادبيان :هاض وكتب فيها قصيده ارتجاليه وقال :

ياام ناجي وش اقول وش اخلي .. عجز شيطاني وعجز المكلماني

كل شي فيك زين وجايــزن لي ..يحفظك ربن حفظ سبع المثاني

يا سلاله من يفكون المتلي.. احمد اللي حطهم ربع وعواني

ام منهم من سيوف الشمس ظلي .. ينطحون الضد بجنوبن متاني

في النهايه يالحبّيب بس قلي .. وش تبي واعطيك ما تملك بناني ..

وسلامت عمرش ...

عمشه : صح لسانك لاخلا ولاعدم يابو عيالي ( رزت عمرها وانسفت برقعها )

ادبيان : قومي حبي خشمي

عموش<<< ( كانها ماسمعته )

ناجي : انتهز فرصه فرح امه بالقصيده وقال :

يمه نخيتش ما نخيت الرخوم .. اني طالبش قولي تم

عمشه : تم تم لعنبو من ردك
ناجي : يمه انا كبرت وقدني رجال والامور كلها زينه ما ينقصني شي كود العروس .

عمشه : والله هذي الساعه المباركه ( ولدها صايع ولا صدقت على الله انه يطلب العرس )

توني راجعه من عرس ال فلان وشفت فيه بنات خالك طرجم ماشاء الله اكبروو ياخذوون العقل

ناجي : عفراء وغزيل؟؟ اللي كنت ارظخهم يوم انهم بزران

عمشه : ايه انا افدا عمرك

ناجي : يالبيه صدق هم اللي دايم اشوفهم في سوق الاثنين انا اشهد انهم مزّين ..

الهمام الهمام يابنت ابداح ..


وبسسسسس التكلمه بعدين تعبت

رد مع اقتباس
  #6  
قديم 21-12-2005, 03:58 AM
سـعـود سـعـود غير متواجد حالياً
 عضو خاص
 
تاريخ التسجيل: Jun 2005
الدولة: فـي مـحـجـر عـيـونـه
المشاركات: 5,125

روحي صوب حجرتش وسنعيها وقصري على الجبو اللي يلالي

يقولون انها زينه وان ادبيان لو انه ماخذاها كان نكع مافي عينه قطره

ههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه


أهب نكر الله حيلش شلون كتبتي القصه ذي هههههههههههههههه


والله أنك مبدعه يالجاذبيه

مشكووووووووووووره في أنتظار التكمله

الهمام الهمام ياجذووبه

__________________
" المفروض اني صرت ما احبك ...
و لكن انا احبك
و من يقدر يبـــــــــرد داخله اشجان
لكن ذكرت انت و انا ما عادنا خلان
"

رد مع اقتباس
  #7  
قديم 21-12-2005, 04:12 AM
تريكي تريكي غير متواجد حالياً
 عضو خاص
 
تاريخ التسجيل: Nov 2005
المشاركات: 13,978

والله اني دشيت جووووووووووووووو معاهم

تسلمين ولا طولين علينا في التكمله

الله يوفقج في دراستج

شدي حيلج في الدراسه ولاحقه علي خبال عفرااااااااااااااا

روووووووووووووووووووووووووووووعه

__________________

رد مع اقتباس
  #8  
قديم 21-12-2005, 11:46 AM
الصورة الرمزية gravity
gravity gravity غير متواجد حالياً
 عضو خاص
 
تاريخ التسجيل: Nov 2005
الدولة: kuwait
المشاركات: 5,445

اذكر الله اذكر الله لا تهولني ههههههههههههه ترا يغمى علي مثل عفراااء في العرس

ياهلا ومرحباااا فيك ياسعود وجودك وردك يعطيني دافع اني اكمل وشرف كبير يالغالي ..


وانشااء الله ربي يعين واكمل يوميات عفراء واغزيل بشكل اروع


جذوووبه

رد مع اقتباس
  #9  
قديم 21-12-2005, 11:47 AM
الصورة الرمزية gravity
gravity gravity غير متواجد حالياً
 عضو خاص
 
تاريخ التسجيل: Nov 2005
الدولة: kuwait
المشاركات: 5,445

هلاا وغلاااااا بخوي تريكي

وانت بعد شد حيلك عشان ازوجك غزيل


لاهنت على مرورك الكريم وتسلم على الدعوه الحلوه وانشاء الله لنا عوده


جذوووووبه

رد مع اقتباس
  #10  
قديم 22-12-2005, 08:14 AM
جمرة غضى جمرة غضى غير متواجد حالياً
 عضو فعال
 
تاريخ التسجيل: Oct 2005
المشاركات: 2,288

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههه




طبعاااا انا ميته ضحك من اول ماقريت القصه




صبحت بقصتش ياجذوووبتي والله اني استانست يوم قريتهااا اماا قصه والله انها فله




كملي فديتش ولا تبطين علينااااااااا تراني متااابعه ياقلبي




تحياتي لش


جمرة غضى

__________________

رد مع اقتباس
إضافة رد


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 01:56 PM.


Powered by vBulletin® Version 3.8.0, Copyright ©2000 - 2026, Jelsoft Enterprises Ltd. TranZ By Almuhajir
Design And Develop By DevelopWay

تصميم : طريق التطوير
لحلول الإنترنت والتصميم DevelopWay.com